Category: Fréttir

Straumur 12. október 2015

Í Straumi í kvöld verður fjallað um nýtt efni frá listamönnum á borð við Madeira, Nicolas Jaar, Rival Consoles, Kelela, DJ Paypal, Courtney Barnett og mörgum fleirum. Straumur með Óla Dóra í kvöld á slagin 23:00 á X-inu 977.

Straumur 12. október 2015 by Straumur on Mixcloud

1) Let Me Down – Madeira
2) Fight – Nicolas Jaar
3) Ghosting – Rival Consoles
4) A Message – Kelela
5) Gomenasai – Kelela
6) With Uuuuuuu (ft. Feloneezy & Jackie Dagger) – DJ Paypal
7) Spectrum – Goldlink
8) Lose Control – Joey Bada$$
9) Atlantis – The Flaming Lips
10) Ballin’ Chain – Dilly Dally
11) Shivers – Courtney Barnett

Tónleikahelgin 8.-11. október

 

Fimmtudagur 8. Október

 

Það verða tónleikar til styrktar sýrlensku flóttafólki á Loft Hostel þar sem fram koma Úlfur Úlfur, Jón Jónsson, Milkywhale, Axel Flóvent og Hinemoa. Pallborðsumræður um stöðu flóttafólks hefst 18:45, en tónleikarnir sjálfir byrja 20:00. Það kostar 1000 krónur inn og frjáls framlög eru einnig vel þegin.

 

Hinn belgíski Nicolas Kunysz sem er búsettur á Íslandi spilar sveim og drón tónlist á Boston. Tónleikarnir eru hluti af microgroove tónleikaseríunni og hefjast klukkan 22:00 og það er ókeypis inn.

 

Tómas Manoury og Guðmundur Vignir Karlsson í Mankan koma fram í Mengi. Þeir bjóða upp á einstæða, víðómandi rafspunatónleika þar sem þeir flétta lifandi rafhljóðum og hljóðritunum saman við sínar eigin söngraddir, hljóðfæraleik og gagnvirk vídeó. Tónleikarnir byrja 21:00 og aðgangseyrir er 2000 krónur.

 

Föstudagur 9. október

 

Dikta og Friðrik Dór leiða saman hesta sína á Húrra. Miðaverð er 1500 krónur (tix.is) og leikar hefjast 22:00.

 

Þremenningarnir í djasstríóinu Jónsson & More koma fram í Mengi en þeir sendu nýverið frá sér sína fyrstu plötu. Aðgangseyrir er 2000 og djassinn byrjar að duna 21:00.

 

The Vintage Caracan blása til útgáfuteinleika vegna útgáfu plötunnar Arrival í Gamla Bíó. Miðaverð er 2900 (tix.is), húsið opnar 21:00 og rokkið hefst stundvíslega 22:00.

 

Laugardagur 10. október

 

Það verður heljarinnar rappveisla á Húrra þar sem Úlfur Úlfur, Emmsé Gauti og nýstyrnið GKR koma fram. Miðaverð er 2000 (tix.is) og dyr gleðinnar opnast 21:00.

 

Austfirska rokksveitin Miri er að gefa út sitt fyrsta nýja lag eftir fimm ára þögn og mun fagna því með tónleikum á Dillon. Þeir hefja leik klukkan 2:00 og það er ókeypis inn.

 

Kjartan Sveinsson og Skúl Sverrisson koma fram í Mengi og flytja tónlist sem á rætur að rekja til Tectonics-tónlistarhátíðarinnar 2013 þar sem þeir komu tveir saman á tónleikum í Silfurbergi. Byrjar 21:00 og kostar 2000.

 

Fastakvöld RVK Soundsystem fer fram á Paloma. Snúðar hljóðkerfisins byrja að spila reggí á miðnætti og það er ókeypis inn.

 

Sunnudagur 11. október

 

Hljóðlistamaðurinn, hljóðfærasmiðurinn og slagverksleikarinn Simon Berz kemur fram í Mengi og flytur hljóðverk sem á rætur að rekja til vettvangsferða hans um Ísland undanfarnar vikur. Steinar úr Húsafelli koma við sögu sem og öldugjálfur, sandfjörur og íslenskur norðangarri. Aðgangseyrir er 2000 og Simon byrjar 21:00.

Hjaltalín gera myndband við lagið We Will Live For Ages

Högni Egilsson forsprakki hljómsveitarinnar Hjaltalín gerði myndband við hið frábæra lag sveitarinnar We Will Live For Ages þegar hann var staddur í Marokkó á dögunum. Lagið sem kom út fyrr á þessu ári hljómar eiginlega eins og ekkert annað sem Hjaltalín hefur sent frá sér.

Oyama breiða yfir Teit

Reykvíska shoegaze hljómsveitin Oyama fékk áskorun í gegnum Twitter frá Birni Teitssyni upplýsingafulltrúa Rauða krossins síðasta gamlársdag um að gera ábreiðu af laginu Vinur vina minna.


Hljómsveitin tók áskorun Björns og hafa nú gefið út lagið með sínu nefi. Þess má geta að þetta er í fyrsta skipti sem hljómsveitin syngur á íslensku.

Mynd: Sigga Ella

Straumur 5. október 2015

Í Straumi í kvöld verður kíkt á nýtt efni frá Kaytranada, Sophie, Autre ne Veut, Fred Thomas og mörgum öðrum. Straumur með Óla Dóra á slaginu 23:00 í kvöld á X-inu 977!

Straumur 5. október 2015 by Straumur on Mixcloud

1) Go ahead – Kaytranada
2) Vinur Vina Minna (Teitur Magnússon cover) – Oyama
3) MSMSMSM – Sophie
4) Funk ( I Got This) – !!!
5) Cold Winds – Autre Ne Veut
6) The One – Louis La Roche
7) My Head Hurts – Wavves
8) 1994 – PWR BTTM
9) Dairy Queen – PWR BTTM
10) I Wanna Boi – PWR BTTM
11) Tearing Me Up – Bob Moses
12) Love Is In Bloom – Fred Thomas

Nýtt myndband frá Just Another Snake Cult

Íslenska hljómsveitin Just Another Snake Cult var að senda frá sér myndband við lagið You Live You Die. Þórir Bogason söngvari og lagahöfundur hljómsveitarinnar gerði myndbandið sem tekið var upp í æfingarhúsnæðinu Reglu hins öfuga pýramída í febrúar. Helga Jóns, Jón Bragi Pálsson, Bjarki Sól, Stína Jóhannesdóttir, Sveinbjörn Thorarensen, Pontus Djarv, Lucy Hill, Pálmi Freyr Hauksson, Hjalti Freyr Ragnarsson, Indriði Arnar Ingólfsson og Andrea Kristinsdóttir koma fram í myndbandinu.

Tónleikahelgin 1.-3. október

 

Fimmtudagur 1. október

 

a & e sounds, russian.girls og Þóranna Björnsdóttir koma fram á tónleikum á Húrra. Tónleikarnir hefjast klukkan 21:00 og það er ókeypis inn.

 

Bang Gang fagna útgáfu plötunnar The Wolfes Are Whispering með tónleikum í Gamla bíói. Sérstakir gestir á tónleikunum verða JB Duncel úr frönsku sveitinni Air, Daniel Hunt úr Ladytron og Jófríður Ákadóttir úr Samaris. Gangly sjá um upphitun en miðaverð er 3500 (midi.is) og tónleikarnir byrja 20:30.

 

Föstudagur 2. október

 

Sísí Ey halda útgáfutónleika- og partý á Paloma. Sísí Ey og Vagina Boys koma fram live en plötusnúðar eins og Hercules and Love Affair, Margeir, IntroBeats og Oculus munu þeyta skífum. Aðgangseyrir er 1500 krónur (tix.is) og partýið hefst 23:00.

 

Ham spila í Gamla bíói en um upphitun sjá Lazyblood. Húsið opnar 20:00, Lazyblood stíga á stokk 21:00 og miðaverð er 2900 krónur (tix.is).

 

Breski Berlínarbúinn Sam Slater kemur fram á tónleikum í Mengi. Miðaverð er 2000 krónur og tónleikarnir byrja 21:00.

 

Laugardagur 3. október

 

Dimma heldur tvenna tónleika á Húrra. Þeir fyrri eru klukkan 16:00 og opnir öllum aldurshópum og miðaverð á þá er 1000 krónur. Þeir seinni byrja 22:00 og þá sjá Alchemia um upphitun og Dimma byrja svo um 23:00. Það kostar 2000 krónur inn á seinni tónleikana.

 

Kría Brekkan flytur frumsamið efni í Mengi. Tónleikarnir byrja 21:00 og aðgangseyrir er 2000 krónur.

 

Arnljótur og Ultraorthodox spila í plötubúðinni Lucky Records á Hverfisgötu. Tónleikarnir byrja 16:00 og kostar ekkert inn.

 

Sænski plötusnúðurinn Petter B kemur fram á Paloma ásamt Exos og Yamaho. Miðaverð er 1000 og djammið byrjar upp úr 23:00.

John Carpenter á ATP 2016

Bandaríski leikstjórinn og tónskáldið John Carpenter kemur fram á ATP  á Ásbrú á næsta ári. Þetta verður í fyrsta sinn í sögunni þar sem John Carpenter flytur tónlist sína opinberlega og í eigin persónu. Hann kemur til með að leika mörg af sínum þekktustu verkum ásamt lögum af nýju plötunni sinni Lost Themes auk nýrra tónverka.

John Carpenter er brautryðjandi þegar kemur að tónlist og kvikmyndum. Hann hefur samið tónlist við eigin kvikmyndir en um leið gert nokkur eftirminnilegustu kvikmyndaskor sem samin hafa verið fyrir spennu- og hryllingsmyndir. Nefna má myndir eins og Dark Star (1974), Assault on Precinct 13 (1976), Halloween (1978), The Fog (1980), Escape from New York (1981), Christine (1983), Starman (1984), Big Trouble in Little China (1986), Prince of Darkness (1987) og They Live (1988) sem dæmi um það.

Kvikmyndatónlist Carpenters er þeim gæðum gædd að hún lifir góðu lífi fyrir utan bíósalinn. Það má auðveldlega fjarlægja hana úr kvikmyndunum sem hún fylgir og njóta áfram. Áhrif tónlistarinnar eru slík. Kaldur hljómur endurtekninga og rafmögnuð tónlistin hrífa hlustandann með sér í ferðalag um undraheima fulla af fegurð en líka ævintýra, tryllings og spennu. Það er nánast ómögulegt að hugsa sér kvikmyndaáhugafólk sem ekki þekkir hljóðheim John Caprenters því hann er í einu orði sagt einstakur. Nægir að nefna tónlistina úr Halloween því til sönnunar.

Í febrúar síðastliðnum sendi John Carpenter frá sér sína fyrstu plötu á löngum ferli sem saman stendur af nýjum tónsmíðum og lögum sem ekki eru saman sérstaklega fyrir bíómyndir. PlatanLost Themes, gefin út hjá Sacred Bones Records, hefur fengið einróma lof gagnrýnenda en hún hefur einnig komist inn á vinsældarlista bæði í Bretlandi og í Bandaríkjunum. Lost Themeshljóðritaði John Carpenter með syni sínum Cody Carpenter og Daniel Davies en þeir munu koma fram á tónleikunum á Íslandi ásamt tónskáldinu auk hljómsveitar og tilkomumikillar sviðssetningar.

Tilkynnt verður um fleiri listamenn síðar en ATP á Íslandi er líkt og áður haldið á Ásbrú í Keflavík. Boðið er upp á tónlist á tveimur sviðum innandyra auk þess sem sýndar verða sérvaldar kvikmyndir, keppt í PopQuiz, dansað við dj-tóna í diskósal og margt fleira. Meðal listamanna sem komið hafa fram á ATP á Íslandi síðustu þrjú ár má nefna Nick Cave and the Bad Seeds, Portishead, Iggy Pop, Neil Young & Crazy Horse og Public Enemy.

 

Straumur 28. september 2015

Í Straumi í kvöld heyrum við nýtt efni frá Frankie Cosmos, Deerhunter, H.dór, Wavves, Chvrches, Peaches, Floating Points, Majical Cloudz, Wesen og mörgum öðrum. Straumur með Óla Dóra á slaginu 23:00 í kvöld á X-inu 977.

Straumur 28. september 2015 by Straumur on Mixcloud

1) Sand – Frankie Cosmos
2) All the same – Deerhunter
3) Living My Life – Deerhunter
4) Desert – H.dór
5) Never Ending Circles – Chvrches
6) The Hills (RL Grime remix) – The Weeknd
7) Knock Knock (ft. MF Doom) – Med, Blu & Madlib
8) Nelly – Isaiah Rashad
9) Way Too Much – Wavves
10) Pony – Wavves
11) Rub – Peaches
12) Echoes – Disclosure
13) Argent – Floating Points
14) Creown (The Alchemist remix) – Run The Jewels
15) Rough Hands – Wesen
16) Beach Boys – Wesen
17) Are You Alone – Majical Cloudz