21. desember: Cool Yule – Louis Armstrong

Árið 1953 gaf Louis Armstrong út hið svala jólalag Cool Yule sem samið var af Steve Allen sem er hvað þekktastur fyrir að hafa verið fyrsti kynnirinn í The Tonight Show sem í dag er stýrt af Jay Leno. Hlustið á Cool Yule með sjálfum Satchmo (Armstrong) hér fyrir neðan.

20. desember: Candy Cane Children – The White Stripes

Bandaríska blús rokk dúóið The White Stripes gáfu út jólalagið Candy Cane Children fyrir jólin 1998 á þriggja laga safnplötu sem nefndist Surprise Package Volume 2. Hljómsveitin gaf svo lagið út aftur á smáskífu í takmörkuðu upplagi fyrir jólin 2002. Á b-hliðinni má heyra Jack White lesa jólasögu og Meg White gera tilraun til að syngja jólalagið Silent Night með vafasömum árangri. Candy Cane Children var nafn sem The White Stripes gaf aðdáendum sínum.

b-hliðin 1. “The Reading of the Story of the Magi” 2. “The Singing of Silent Night

19. desember: One Christmas Catalogue – Wild Nothing

Tónlistarmaðurinn Jack Tatum, sem gefur út draumkennda tónlist undir nafninu Wild Nothing sendi í gærkvöld frá sér ábreiðu af jólalagi Captain Sensible frá árinu 1982 One Christmas Catalogue. Tatum gerir lagið að sínu með mikilli notkun hljóðgervla.

17. desember: I’ll Be Home For Christmas – Sufjan Stevens.

Á síðasta ári gaf Sufjan Stevens út hið fimm diska lagasafn Silver & Gold, Songs for Christmas Volumes 6-10. Í safninu eru 59 jólalög bæði frumsamin og klassísk. Þetta er í annað sinn sem Stevens sendir frá sér slíkt safn en fyrir jólin 2006 gaf hann út safnið Songs for Christmas Volumes 1-5 sem var 42 laga. Hér fyrir neðan er hægt að horfa á myndband við  hið klassíska jólalag I’ll Be Home For Christmas í flutningi Stevens. Myndbandið sem er fremur drungalegt sýnir unga stúlku hlaupa fram hjá allskyns hryllingi.

MP3: 

      1. I'll Be Home For Christmas

Hér er hægt að streyma lagasafninu Silver & Gold, Songs for Christmas Volumes 6-10.

16. desember: The Wassailing song – Blur

 

Fyrir nákvæmlega 21 ári í dag eða þann 16. desember 1992 gaf hljómsveitin Blur tónleikagestum í London óvænta gjöf.  Um 500 heppnir aðdáendur sveitarinnar fengu 7 tommu plötu með útgáfu Blur á hinu klassíska breska jólalagi The Wassailing Song sem oftast er sungið um áramót þar í landi. Óhætt er að segja að plata þessi sé safngripur í dag.

 

8. desember: Surfer’s Christmas List – Surfaris

Bandaríska hljómsveitin Surfaris var fyrsta sveitin  til að gefa út brimbretta lag sem jafnframt var jólalag. Hljómsveitin gaf lagið Surfer’s Christmas List út árið 1963 og voru því ári á undan Beach Boys sem gáfu út jólaplötu árið 1964.