Straumur 29. janúar 2018

Í Straumi í kvöld verður farið yfir nýtt efni frá No Age, Peggy Gou, Gwenno, DJ Koze, Nils Frahm og mörgum fleirum. Straumur í umsjón Óla Dóra í kvöld á slaginu 23:00 á X-inu 977.

1) It Makes You Forget (Itgehane) – Peggy Gou
2) If The Car Beside You Moves Ahead – James Blake
3) Leave It In My Dreams – The Voidz
4) Composite – Palm
5) Tic Tac Toe – Django Django
6) Tir Ha Mor – Gwenno
7) Wanna Sip – (Sissel Wincent remix) – Fever Ray
8 ) Cruise Control – No Age
9) Popper – No Age
10) Secret Swamp – No Age
11) Seeing Aliens – DJ Koze
12) All Melody – Nils Frahm
13) Dönsum – Rauður
14) Stay The Same – Árni Vil
15) Tender Headed (ft. Smino) – Cam O’bi

Straumur 22. janúar 2018

Í Straumi í kvöld verður farið yfir ný lög með Hinds, TSS, Moon King, Lane 8, Porches, Nightwave, tUnE YaRdS, Kelly Lee Owens og mörgum öðrum listamönnum. Straumur í umsjón Óla Dóra í kvöld á slaginu 23:00 á X-inu 977.

1) Heartworms (Flipped) – The Shins
2) New For You – Hinds
3) New York (Kelly Lee Owens remix) – St. Vincent
4) Little by Little – Lane 8
5) Hesitate – Golden Vessel X Emerson Leif
6) Sanctuary – Nightwave
7) There Are a Thousand – Helena Deland
8) Old Times – TSS
9) Honesty – tUnE-YaRdS
10) ABC 123 – tUnE-YaRdS
11) Now the Water – Porches
12) I’ve Stopped Believing
13) Blue Suitcase (Disco Wrist) – The Orielles
14) Severed – The Decemberists
15) Everytime (sin fang slop house cover) – Sin Fang

UNDERWORLD TIL ÍSLANDS

Breska hljómsveitin Underworld er á leiðinni til Íslands og mun koma fram á tónlistarhátíðinni Sónar Reykjavík laugardagskvöldið 17. mars í Hörpu. Tónleikarnir eru liður í 25 ára afmæli Sónar hátíðarinnar þar sem hátíðarhöldin hefjast í Reykjavík.

Underworld er ein stærsta hljómsveit heims á sviði danstónlistar og á fáar sínar líkar þegar kemur að sviðsframkomu og sjónarspili á tónleikum. Því fengu Íslendingar að kynnast árið 1994 þegar sveitin kom fram í troðfullri Laugardalshöll á eftirminnilegum Debut tónleikum Bjarkar. Síðan hefur ferill og orðstír Underworld vaxið og var sveitin m.a. fengin til að koma fram á og leikstýra tónlistarþætti opnunarhátíðar Ólympíuleikana í London árið 2012.

Hljómsveitin á að baki fjölmargar verðlaunaplötur og smelli á borð við Born Slippy, Push Upstairs, Dark & Long, 2 Months Off, I Exhale, Jumbo og Cowgirl. Tónleikaplöturnar Everything, Everything (2000) og Live in Tokyo (2015) gera sveitinni góð skil á tónleikum á meðan safnplöturnar 1992-2012: The Anthology (2012) og A Collection 2 (2016) taka saman mörg þeirra vinsælustu lög.

Underworld bætist í hóp þeirra listamanna og hljómsveita sem þegar hefur verið tilkynnt að komi fram á Sónar Reykjavík hátíðinni í ár. Meðal þeirra eru; Danny Brown (US), TOKiMONSTA (US), Lindström (NO), Nadia Rose (UK), Ben Frost (AU/IS), Lena Willikens (DE), Jlin (US), Denis Sulta (UK), Cassy b2b Yamaho (UK/IS), Kode9 x Köji Morimoto (UK/JP), Bad Gyal (ES), Lorenzo Senni (IT), Lafawndah (FR), Moor Mother (US), Bjarki, Högni, Hildur Guðnadóttir, Vök, Jói Pé x Króli, Joey Christ, Eva808, Blissful, Flóni og Reyjavíkurdætur.

Sónar Reykjavík fer fram dagana 16. og 17. mars á fjórum sviðum í Hörpu. Alls verður boðið upp á tónleika rúmlega 50 hjómsveita og listamanna á hátíðinni, m.a. í bílakjallara hússins sem breytt verður í næturklúbb.

Í kjölfar hátíðarinnar í Reykjavík fara Sónar hátíðir fram í Hong Kong, Istanbul, Barcelona, Bogotá og Buenos Aires.

Tilkynnt hefur verið um að eftirtaldir listamenn komi fram á Sónar Reykjavík 2018:

– Underworld (UK)
– Danny Brown (US)
– TOKIMONSTA (US)
– Lindström (NO)
– Ben Frost (AU/IS)
– Nadia Rose (UK)
– Bjarki (IS)
– Lena Willikens (DE)
– Jlin (US)
– Denis Sulta (UK)
– Cassy b2b Yamaho (UK/IS)
– Kode9 x Kōji Morimoto AV (UK/JP)
– Högni (IS)
– Bad Gyal (ES)
– Hildur Guðnadóttir (IS)
– Moor Mother (US)
– Lorenzo Senni (IT)
– Lafawndah (FR)
– Reykjavíkurdætur (IS)
– Vök (IS)
– Eva808 (IS)
– JóiPé x Króli (IS)
– Blissful (IS)
– Joey Christ (IS)
– Flóni (IS)
– Jass (ES)
– Volruptus (IS)
– Kline (UK)
– serpentwithfeet (US)
– Yagia (IS)
– Mighty Bear (IS)

Fleiri listamenn munu bætast við á næstu vikum.

Straumur 15. janúar 2018

Í Straumi í kvöld verður farið yfir nýtt efni frá Panda Bear, Tune-Yards, N A D I N E, Frankie Cosmos, Calibro 35, Car Seat Headrest og mörgum öðrum. Straumur með Óla Dóra á slaginu 23:00 á X-inu 977.

1) Heart Attack – tUnE-yArDs
2) Sunset – Panda Bear
3) Shepard Tone – Panda Bear
4) Pews – N A D I N E
5) Can’t Stop My Dreaming (Of You) – Jona Ma & Dreems
6) Maybes (RAC remix) – Giraffage (ft. Japanese Breakfast)
7) Jessie – Frankie Cosmos
8) King’s Dead” (ft. Kendrick Lamar, Future, & James Blake) Jay Rock
9) Digital Rain – Johnny Jewel
10) Super Studio (45 edit) – Calibro 35
11) Nervous Young Inhumans – Car Seat Headrest
12) Your True Name – The Radio Dept
13) Her Majesty II – The Green Child
14) Another Light – Henry Green

Straumur 8. janúar 2018

Í fyrsta Straumi ársins verður farið fyrir nýtt efni frá listamönnum á borð við Hudson Mohawke, MGMT, Moon Duo, Kendrick Lamar, SZA, Superorganism, Hjalta Þorkelssyni, Múrurum og mörgum öðrum. Straumur með Óla Dóra á X-inu 977 á slaginu 23:00 í kvöld!

1) Foxy Boxing – Hudson Mohawke
2) Hand It Over – MGMT
3) Jukebox Baby – Moon Duo
4) All the Stars – Kendirck Lamar & SZA
5) Everybody Wants To Be Famous – Superorganism
6) Himeji – Oscar Oscar
7) Patagonia – Patawawa
8) Sin Triangle – Sidney Gish
9) In Your beat – Django Django
10) A Subaru Legacy Station á 120 km hraða í Skagafirði
11) Nabidill (ft. Bara Heiða) – Hjalti Þorkelsson

Löðrandi kynþokki og listrænn hávaði á Norður og Niður

Mynd: Óli Dóri

Norður og Niður er ný og spennandi hátíð milli jóla og nýárs haldin í kringum fjóra tónleika Sigur Rósar. Hugmyndin var að tón- og aðrir listamenn sem tengjast Sigur Rós vinaböndum, eða í gegnum gagnkvæma aðdáun myndu koma fram og lífga upp á Hörpu í svartasta skammdeginu. Þetta hófst allt á „Gloomy Christmas“, ein hvers konar gjörningi þar sem venjubundnum jólatónleikum var snúið á hvolf. Það komu fram bæði hefðbundnir „jóla“söngvarar eins og Helgi Björns og Sigga Beinteins en líka Alexis Tailor úr Hot Chip og Peaches, og sungu jólalög í einhvers konar hægum moll-jarðarfarar Sigur Rósar útsetningum.

Herlegheitin voru svo í beinni útsendingu í sjónvarpi allra landsmanna og surprise, surprise, féllu ekki sérlega vel í kramið hjá fólki sem hefur gaman að jólatónleikum Björgvins Halldórssonar og Baggalúts. Að mínu mati var þetta oft áhugavert, stundum leiðinlegt, og einstaka sinnum frábært. Laddi stal senunni með „Snjókorn falla“ í dásamlega tragískum flutningi, Katrína Mogensen var frábær og Alexis Tailor var angurvær í „Last Christmas“. „Ég hlakka svo til“ með Svölu var hins vegar bara „langt, dæmalaust langt,“ og tíminn skelfing lengi að líða.

 Úr Elton John ballöðum í vegg af hávaða

Næst sá ég Alexis Tailor úr Hot Chip spila í Kaldalóni þar sem hann var einn með flygil og einstaka sinnum greip hann í gítar eða rafhljóð. Lögin voru að mestu leyti angurværar píanóballöður a la Elton John en hann skellti líka í einstaka Hot Chip lög og gaf þá aðeins í með auka raflhjóðum og töktum. Eftir þetta ljúfmeti þá var það harkan sex sem tók við með Blanck Mass í Silfurbergi. Það er sólóverkefni annars meðlims noise-sveitarinnar Fuck Buttons sem er eiginlega bara meira af því sem gerir þá sveit frábæra, meiri hávaði og meiri melódía.

Það er einhvers konar hljóðveggur á þykkt við kínamúrinn og hæð Hallgrímskirkju sem hrynur yfir mann á tónleikum Blank Mass. Hvert einasta tíðnisvið er fullhlaðið af hljóðum og óhljóðum, stundum var samplaður ópersöngur sem vofði yfir öllu, og stundum söng hann sjálfur í gegnum eitthvað apparat þannig það hljómaði eins og satan sjálfur væri að messa yfir þér. Þarna var fullkominn samruni hávaða og melódíu og djöflamessu. Ég stóð bara dáleiddur og gapti og tók þetta inn um öll vit.

 Dúndrandi danstónlist og magnarastæður

GusGus eru áreiðanlegasta vélin í íslenskri danstónlist og Biggi Veira og Daníel Ágúst höktu ekki hætishót þetta kvöld í Silfurbergi sem er salur sem þeir kunna mjög vel á. Þeir tóku nokkur ný lög sem hljómuðu mjög vel og í síðasta laginu „Deep Inside“ fór Biggi hamförum í tvíkuðum synþum og massívum uppbyggingum. Kevin Shields er hins vegar mikil goðsögn úr hávaðarokksveitinni My Bloody Valentine og var næstur á svið. Hann kom fram einn ásamt trommara og magnarastæðum sem þöktu megnið af sviðinu. Kannski var það að ég er ekki mjög kunnugur MBV eða þessari senu en hann náði ekki að heilla mig, mér fannst þetta eitthvað andlaus hávaði og oft var hann eitthvað pirraður yfir hljóðinu.

Löðrandi listrænn kynþokki 

Bandaríski rafgeggjarinn Dan Deacon hélt heilum Silfurbergssal í heljargreipum á tónleikum sínum á föstudagskvöldinu. Ekki bara með sturlaðri tónlista heldur líka danskeppnum og alls konar leikjum, og hann kom að sjálfsögðu fram á gólfinu meðal áhorfenda, ekki upp á sviðinu. Hér er kannski vert að minnast á að Harpa var fallega skreytt og alls konar innsetningar og gjörningar settu svip sinn á húsið og veittu því hátíðarblæ, ekki bara tónlistarlegan.

Og það komu svo sannarlega fleiri listgreinar en tónlist við sögu á tónleikum Peaches í Norðurljósasalnum á föstudagskvöldinu þar sem listfengi, kynþokki, fegurð og gróteska gengu hönd í hönd í leikhúsi ferskjunnar. Peaches hlýtur að vera orðin hálf fimmtug en það var ekki að sjá á orkunni sem hún bjó yfir þetta kvöld. Það var mikill leikhúsbragur yfir þessu öllu og búningahönnunin frábær þar sem sníphattar og kleópötrukjólar voru eitt af fjölmörgu á massívu hlaðborði sem í boði var. Ég hef ekki fylgst mikið með Peaches undanfarin ár og þekkti ekki mikið af lögunum en það kom bara alls ekki neitt að sök, því að tónlist, dans, búningar og leikmynd komu saman til að mynda einstaka listræna upplifun. Á einum tímapunkti labbaði hún út í áhorfendur og ofan á höndum þeirra með því fyrirheiti að ef hún mynd detta væri sýningin búin. Hún datt ekki. Tveir íslenskir dansarar fóru á kostum og í síðasta laginu Fuck Your Pain Away kom Erna Ómarsdóttir upp á svið og allt leystist upp í löðrandi kynþokka. Eftir Peaches náði ég uppklappinu hjá Mogwai sem ég þekki líitð til en bæði lög voru frábær, sérstaklega hið fyrra sem var yfirfullt af hljóðgervlaarpeggíum og gítarveggjum.

 Hlaðborð fyrir skilningarvitin

Jarvis Cocker fór algjörlega á kostum á laugardagskvöldinu með sólóefni sem ég hafði aldrei heyrt áður og fádæma góðri hljómsveit. Hann er bara svo óendanlega sjarmerandi og svalur, virkaðu mjög drukkinn, en með smekk og stíll í tunnuvís. Ég endaði svo hátíðina á þýska ambíentskóglápslistamanninum Ulrich Schnauss sem bauð upp á mest hugvíkkandi upplifun hátíðarinnar. Fólk ýmist sat eða stóð og drakk í sig dróna, dúndrandi uppbyggingar og undurfallegar myndskreytingar. Heilt yfir var þetta mjög öðruvísi tónlistarhátíð sem bauð upp á drekkfullt hlaðborð fyrir öll skilningarvitin.

Davíð Roach Gunnarsson