Tónleikahelgin 5.-7. mars

Fimmtudagur 5. mars

 

Tinna Þorsteinsdóttir og Borgar Magnason hittast í Mengi með dótapíanó og kontrabassa og leitast eftir að finna sameiginlega rödd hljóðfæra sinna. Tónleikarnir byrja klukkan 21:00 og aðgangseyrir er 2000 krónur.

 

Dirty Deal Blues Band kemur fram á Dillon, ókeypis inn og byrjar 22:00.

 

Föstudagur 6. mars

 

Hljómsveitin Hellvar sem eru nýkomin úr tónleikaferð um England spilar á tónleikum á Dillon. Aðgangseyrir er 500 krónur og gleðin hefst 22:00.

 

Brasilíski gítarleikarinn og tónskáldi Victor Ramil kemur fram í Mengi. Hann byrjar að spila 21:00 og aðgangseyrir er 2000 krónur.

 

Laugardagur 7. Mars

 

Tvær af hörðustu og svölustu rokksveitum landsins, Singapore Sling og Pink Street Boys leika á tónleikaröð Grapevine á Húrra. Rokkið startar 22:00 og aðgangseyrir er 15oo krónur.

 

Kanadíska tvíeykið Nadja og Aidan Baker koma fram í Mengi. Meðlimir Nadja eru þau Aidan Baker og Leah Buckareff en saman búa þau til tilraunakenna ambient tónlist sem er mörgum landsmönnum vel kunn. Tónleikar þeirra byrja 21:00 og aðgangseyrir er 2000 krónur.

Public Enemy og Swans á ATP

Hip Hop goðin í Public Enemy eru væntanleg til Íslands í sumar á All Tomorrow’s Parties hátíðina. Þetta kemur fram í tilkynningu frá aðstandendum hátíðarinnar en fjölda annarra listamanna hefur einnig verið bætt við dagskrána, og ber þar hæst Swans sem áttu að spila á Airwaves 2012 og margir voru svekktir þegar þeir neyddust til að afboða vegna fellibylsins Sandy. Þá kemur einnig fram að Lightning Bolt, Bardo Pond, Grísalappalísa, Valdimar, Stafrænn Hákon, Oyama, Mr Silla og Kippi Kaninus muni koma fram.

 

All Tomorrow’s Parties hátíðin fer fram í þriðja skipti á Ásbrú í sumar dagana 2.-4. júlí, en áður hafa hljómsveitir eins og Belle and Sebastian, Iggy Pop, Run The Jewels og Godspeed you! Black Emperor verið kynntar til leiks á hátíðina. Hér fyrir neðan má horfa á „hið svarta CNN“, eins og Public Enemy sögðu sjálfa sig vera á hátindi sínum:

Straumur 2. mars 2015

Í þessum fyrsta Straumi mánaðarins verður tekið til skoðunar nýtt efni frá listamönnum á borð við Tobias Jesso Jr, Courtney Barnett, Lindrom And Grace Hall, Fred Thomas, SEOUL, Surf City og fleirum. Straumur með Óla Dóra í kvöld á slaginu 23:00 á X-inu 977.

Straumur 2. mars 2015 by Straumur on Mixcloud

1) The Line – SEOUL

2) Home Tonight (extended version) – Lindstrøm And Grace Hall

3) Cops Don‘t Care Pt. II – Fred Thomas

4) Depreston – Courtney Barnett

5) Can‘t Stop Thinking About You – Tobias Jesso Jr.

6) How Could You Babe – Tobias Jesso Jr.

7) Leaving LA – Tobias Jesso Jr.

8) One Too Many Things – Surf City

9) Leave Your Worries – Surf City

10) What Kind Of Man (Nicholas Jaar remix) – Florence & The Machine

11) Madonna – Black Honey

12) Sagres – The Tallest Man On Earth

 

Tónleikar helgarinnar 27. febrúar – 1. mars

Föstudagur 27. febrúar

BERLIN X REYKJAVÍK FESTIVAL fer tram á Húrra. Epic Rain, Komfortrauschen og Christian Prommer koma fram. Dagskráin hefst klukkan 22:00.

Oyama og Brött Brekka spila á Bar 11. Tónleikar hefjast 22:00 og það er frítt inn.

Pink Street Boys og Caterpillarmen koma fram á Gamla Gauknum. Tónleikarnir hefjast klukkan 23:00 og það kostar 1000 kr inn.

 

 

Laugardagur 28. febrúar

BERLIN X REYKJAVÍK FESTIVAL fer tram á Húrra. Ensemble X, Emiliana Torrini, Alex Barack, Christian Prommer, Daniel Best og Borg koma fram. Dagskráin hefst klukkan 20:00.

Hljómsveitirnar Morgan Kane, Dreprún og Dorian Gray spila á bar 11. Tónleikarnir byrja klukkan 22:00 og það er frítt inn.

Grísalappalísa heldur útgáfutónleika á Gamla Gauknum í tilefni útgáfu plötunnar Grísalappalísa syngur Stuðmenn. Hljómsveitin Börn og Teitur Magnússon sjá um upphitun og það kostar 1500 krónur inn. Tónleikarnir hefjast klukkan 22:00.

 

 

Sunnudagur 1. mars

BERLIN X REYKJAVÍK FESTIVAL fer tram í Mengi. Skúli Sverrison og Claudio Puntin koma fram. Dagskráin hefst klukkan 21:00

Raftónlistarmaðurinn O|S|E| AKA Sindri Geirsson kemur fram á Lowercase kvöldi á Húrra. Tónleikarnir hefjast klukkan 21:30 og það er frítt inn.

Straumur 23. febrúar 2015

Í Straumi í kvöld kíkir Pan Thorarensen, skipuleggjandi hátíðarinnar Reykjavík X Berlin Festival sem fram fer um næstu helgi á Húrra og Kex Hostel, í heimsókn. Auk þess sem spilað verður nýtt efni frá Emily Yacina, Yumi Xouma, Will Butler, The Weather Station og mörgum öðrum. Straumur með Óla Dóra á X-inu 977 á slaginu 23:00.

Straumur 23. febrúar 2015 by Straumur on Mixcloud

1) Under A Rock – Waxahatchee
2) Bruise – Emily Yacina
3) Coming For You – Emily Yacina
4) Song For Zoe & Gwen – Yumi Zouma
5) Hard Luck Boy – Tom Brosseau
6) Love Like Mine – Miami Horrors
7) Gone Fishing – Miss Roisin Murphy
8) Time Ends – Stereo Hypnosis
9) Time Begins – Stereo Hypnosis
10) Son Of God – Will Butler
11) What I Want – Will Butler
12) Witness – Will Butler
13) The Ground Walks, with Time In a Box – Modest Mouse
14) Way It Is, Way It Could Be – THe Weather Station

Tónleikahelgin 20.-21. febrúar

Föstudagur 21. Febrúar

 

Hin knáa diskósveit Boogie Trouble leikur á Loft Hostel klukkan 21:30 og aðgangur er ókeypis.

 

Hljómsveitin Greyhound spilar á Dillon, byrja 22:00 og aðgangur er ókeypis.

 

Icelandic Sound Company kemur fram í Mengi. Aðgangseyrir er 2000 og sjóið byrjar 21:00.

 

Laugardagur 22. Febrúar

 

Götutímaritið Grapevine stendur fyrir tónleikum á Húrra sem verða þeir fyrstu í tónleikaseríu sem ritið hyggst halda. Á þessu fyrsta kvöldi koma fram Prins Póló og Páll Ívan frá Eiðum og Óli Dóri mun þeyta skífum. Inngöngugjald er 2000 krónur og veislan hefst 22:00.

 

Good Moon Deer og Futuregrapher koma fram á tónleikum í Mengi. Tónleikarnir byrja 21:00 og aðgangseyrir er 2000 krónur.

 

Moses Hightower leikur á tónleikum og Hermigervill og Ívar Pétur verða með dj-sett á Loft Hostel. Leikar hefjast 20:30 og aðgangur er ókeypis.

 

Skúli Mennski treður upp á Rósenberg ásamt hljómsveit. Spilagleðin byrjar 22:00 og aðgangseyrir er 1500 krónur.

 

Fimmtugasta fastakvöld RVK Soundsystem verður haldið á efri hæðinni á Paloma. Plötusnúðar RVK munu spila reggí, döbb og dancehall alla nóttina en þeir byrja á miðnætti og aðgangur er ókeypis.

Nico á Íslandi

Tónlistargoðsögnin Nico kom til Íslands árið 1971 ásamt þáverandi sambýlismanni sínum, franska kvikmyndaleikstjóranum Philippe Garrell, og lék í hinni ljóðrænu kvikmynd hans ‘La Cicatrice Intérieure’ (Innra sárið) sem var að stórum hluta tekin upp á svörtum söndum suðurlands. Ljósmynd úr myndinni prýðir einmitt umslag ‘Desertshore’ og á henni sést einnig Ari Boulogne, sonur Nico og franska leikarans Alain Delon, en drengurinn lék með henni í myndinni.

La Cicatrice Intérieure verður sýnd í fyrsta skipti á Íslandi á kvikmyndahátíðinni Stockfish. Hún verður þannig fyrsta myndin í flokki mynda sem sýndar verða á Stockfish-hátíðum framtíðarinnar undir heitinu ‘Uppgötvun úr fortíðinni’ en það eru myndir sem teknar hafa verið á Íslandi án þess að lítið hafi borið á. Nú gefst íslenskum tónlistar- og kvikmyndaunnendum loks að sjá goðsögnina Nico í íslenskri birtu og landslagi. Myndi verður sýnd í Bíó Paradís 25. febrúar klukkan 20:30 og 1. mars klukkan 18:00

Nico (fædd Christa Päffgen 1938) söng lögin ‘All Tomorrows Parties’, ‘Femme Fatele’ og ‘Venus in Furs’ á ‘Andy Warhol’ plötu Velvet Underground & Nico, einni rómuðustu og áhrifamestu rokkplötu allra tíma. Hin djúpa rödd hennar og kaldi söngur er hluti af hljóðrás sjöunda áratugarins og andlit hennar eitt af þekktustu andlitum hans. Eftir að hún sagði skilið við Velvet Underground starfaði hún með Tim Buckley, Jackson Browne og Brian Eno m.a.. Fyrsta sólóplata hennar ‘Chelsea Girl’ hafði mikil áhrif á Leonard Cohen og á þeirri næstu, ‘Desertshore’, má heyra að hún er ein af uppáhaldsplötum Bjarkar.

Sónarskoðun #3: Hvítt fönk, dubstep og djöfulgangur

 

Myndir: Aron Guðmundsson

 

Ég mætti rúmlega 9 í Silfurberg til að sjá sænsku táningarappsveitinn Young Lean and the Sad Boys. Þeir spiluðu nokkurs konar átótjúnað emo-rapp, og ég meina það ekki á neikvæðan hátt. Þvínæst sá ég japanska stelpnatríóið Nisennenmondai. Þær spiluðu á bassa, trommur og gítar og framkölluðu dáleiðandi mínímalíska tekknótónlist þar sem taktföst endurtekningin hamraði sér leið inn í undirmeðvitundina.

Nisennenmondai

Þær virtust algjörlega í leiðslu og stemmningin var eins og týndi hlekkurinn milli frumstæðra ættbálkaathafna og nútíma tekknóklúbba. Stelpan á trommunum hélt úti mekanískri keyrslu allan tímann og missti ekki úr slag, og úr gítarnum komu hljóð sem minntu sitt á hvað á bílvél eða draugagang. Eftir svona hálftíma var ég samt farinn að þrá smávægilega tilbreytingu, það sem gerði þetta kúl var naumhyggjan og endurtekningin en það vantaði bara eitthvað pínu ponsu meira; þetta var einum of einsleitt en næstum því frábært.

reyan_hems2

Plötusnúðurinn Ryan Hemsworth spilaði léttari tónlist en margir aðrir plötusnúðar á hátíðinni en hann bauð upp á fjölbreytta blöndu af Hip Hop, R’n’B og poppuðu Dub Step og jók tempóið eftir því sem leið á settið. Næst á dagskrá var hinn breski sláni Adam Bainbridge sem gengur undir vinalega listamannsnafninu Kindness. Hann kom fram með heljarinnar hljómsveit og blökkum bakraddasöngkonum og lék fágað fönk og grúví diskó af fádæma öryggi næstu þrjú kortérin eða svo.

kindness

Ég hafði ekki heyrt neitt af tónlist hans áður en smitaðist af ryþmanum frá fyrsta lagi. Af og til var splæst bútum úr lögum eftir listamenn eins og Prince, Bobbie Womack og Art of Noise inn í settið og á einum tímapunktu brast á með Conga-röð hljómsveitarmeðlima um allt sviðið þar sem allir höfðu kúabjöllu, hristu eða annað ásláttarhljóðfæri í hönd. Þetta var algjört funkathon og skemmtilegustu tónleikar hátíðarinnar fyrir mig persónulega.

 

Þá var bara stærsta nafn hátíðarinnar eftir, ameríski dubstep æringinn Skrillex, sem er dáður eins og guð af glataðri æsku, en litinn hornauga af gömlum, bitrum og sjálfskipuðum spekingum eins og mér. Ég gat samt ekki sleppt því tækifæri að fylgjast með tónleikunum og sé alls ekki eftir því. Ég myndi ekki nenna að hlusta á þessa tónlist heima hjá mér, en þetta var allsherjar loftárás á skilningarvitin af nördalegum unglingi með allt of dýrar græjur. Og ég meina það á góðan hátt. Svona tiltölulega. Þarna var dropp-um, grafík, lazer-um og reyk bombað í fésið á þér á hverju sekúndubroti þannig ekki gafst tækifæri til að hugsa eða greina eina einustu einingu, því þá var nýtt áreiti komið á sjóndeildarhringinn. Hann henti svo Björk, Stars Wars laginu og íslenska fánanum inn í settið meðan hann klifraði, hoppaði og bara almennt djöflaðist í og ofan á tækjaborðinu sínu.

skrillex4

Eftir þessa æskudýrkun og fjallstind sem Skrillex var fór ég alla leið niður í bílakjallaran til að sjá einn langlífasta og farsælasta plötusnúð landsins, DJ Margeir. Hann spilar tónlist sem er einhvern veginn viðeigandi hvar sem er fyrir hvern sem er, harðan kjarna með mjúkri áferð. Þar dönsuðu gestir með öllum frumum líkama sinna og reyndu hvað þeir gátu að halda lífsmarki í Sónarnum þegar endirinn var yfirvofandi.

margeir

En allt spennandi endar og Sónar hátíðin er engin undantekning þar á. Hún var samt frábærlega heppnuð og minningarnar lifa, allavega þangað til við fáum öll alzheimer eða drepumst. Ég er strax farinn að hlakka til næstu hátíðar en þangað til getið þið lesið umfjallanir Straums um fimmtudagskvöldið, föstudagskvöldið eða fyrri hátíðir.

 

Davíð Roach Gunnarsson

Straumur 16. febrúar 2015

Í Straumi í kvöld verður farið yfir nýtt efni frá Waxahatchee, Hot Chip, Twin Shadow, Unknown Mortal Orchestra, Kendrick Lamar, Fort Romeau, THEESatisfaction og mörgum öðrum. Straumur með Óla Dóra í kvöld á slaginu 23:00 á X-inu 977.

Straumur 16. febrúar 2015 by Straumur on Mixcloud

1) Huarache Lights – Hot Chip
2) I’m Ready – Twin Shadow
3) Multi-love – Unknown Mortal Orchestra
4) The Blacker the Berry – Kendrick Lamar
5) Breathless – Waxahatchee
6) La Loose – Waxahatchee
7) Poison – Waxahatchee
8) Planet For Sale – THEESatisfaction
9) Batyreðs Candy – THEESatisfaction
10) Meme Generator – Dan Deacon
11) All I want – Fort Romeau
12) Let It Carry You – José González
13) No Shade in the Shadow of the Cross – Sufjan Stevens
14) Just Like You – Chromatics