Tónlistarmennirnir Jamie xx, Jimmy Edgar og Ryan Hemsworth voru tilkynntir fyrr í dag á Sónar hátíðina í Reykjavík. Auk þeirra var tilkynnt að Jón Ólafsson & Futuregrapher, Emmsjé Gauti, Páll Ivan frá Eiðum, Kött Grá Pé, AMFJ og Bjarki koma fram á hátíðinni. Sónar Reykjavik fer fram á 5 sviðum dagana 12, 13 og 14. febrúar í Hörpu.
Í dag eru nákvæmlega 34 ár frá því að John Lennon var myrtur fyrir utan heimilið sitt í New York borg. Í tilefni af því er jólalag dagsins nýleg ábreiða The Flaming Lips & Yoko Ono á lagi þeirra hjónakorna Happy Xmas (War Is Over) sem kom út fyrir jólin 1971.
Fyrir jólin 2006 gaf Sufjan Stevens út hið fimm diska lagasafn Silver & Gold, Songs for Christmas Volumes 1-5. Í safninu eru 42 jólalög bæði frumsamin og klassísk. Stevens endurtók svo leikinn fyrir jólin 2012 þegar hann gaf út safnið Songs for Christmas Volumes 6-10 sem var 59 laga. Jólalag dagsins er lag hans Put The Lights On The Tree sem var á fyrra safninu.
Tónlistarmaðurinn Teen Daze sendi þessa silkimjúku hljóðgervla útgáfu af hinu klassíska jólalagi Heims um ból (Silent Night) fyrir jólin 2012. Þess má geta að bannað er að spila Heims um ból fyrr en á Aðfangadag í Ríkisútvarpinu.
New York stúlknabandið Dum Dum Girls sendi í dag frá sér jólalagið On Christmas sem verður að finna á safnplötunni Noise to the world 2 sem kemur út seinna í þessum mánuði. Hljómsveitin notaðist við hljóðgervla í laginu með góðum árangri.
Við fengum þetta myndband sent til okkar áðan frá nýrri íslenskri hljómsveit sem kallar sig GANGLY. Það kom hvergi fram hvaða aðilar standa að bandinu eða hver gerði myndbandið en bæði lag og myndband eru til fyrirmyndar. Lagið sem heitir Fuck With Someone Else mætti lýsa sem nútímalegri og vel útsettri poppsmíð sem er einstaklega vel raddað og skemmtilega skreytt. Hér er hægt að fylgjast með bandinu á facebook.
Laugardagskvöldið 6. desember kl 22:00 fara fram Heiðurstributetónleikar Skúla mennska með ákaflega litlu jólaívafi í Þjóðleikhúskjallaranum. Þar kemur fram skemmtilegt fólk ásamt hljómsveit Skúla mennska og flytur brot laga sem Skúli hefur gefið út frá árinu 2010 og einnig fá lög af væntanlegri breiðskífu að fljóta með.
Fram koma:
7oi
Agnes Björgvinsdóttir
Bóas Hallgrímsson og Guðmundur Birgir Halldórsson
Eiríkur Rafn Stefánsson
Hemúllinn
Hildur Vala
Hljómsveit Skúla mennska
Lilja Björk Runólfsdóttir
Margrét Erla Maack
Markús Bjarnason
Myrra Rós
Pétur Ben
Rósa Guðrún Sveinsdóttir
Þórunn Arna Kristjánsdóttir
Sérstakur kynnir og leynigestur er enginn annar en Skúli mennski.
Miðasala er nú þegar hafin á midi.is
mynd: Eiríkur Rafn Stefánsson
Fyrir jólin 2009 sendi norski raftónlistarmaðurinn og plötusnúðurinn Hans-Peter Lindstrøm frá sér 42 mínútna útgáfu af hinu klassíska jólalagi Little Drummerboy. 5 mínútna edit af þessari epík er jólalag dagsins hér á straum.is
Fimmtudagur 4. desember
Breska raftónlistarsveitin Hacker Farm kemur fram á tónleikum í Mengi á vegum Falk hópsins. Einnig koma fram Krakkbot og Trouble en tónleikarnir hefjast klukkan 21:00 og aðgangseyrir er 2000 krónur.
Föstudagur 5. Desember
Svokallað Psychedelic Extravaganza kvöld verður haldið á Gauk á stöng en fram koma Bob, Sushi Submarine og The Electric Space Orchestra. Skynvíkkunarveislan hefst klukkan 22:00 og aðgangseyrir er litlar 500 krónur.
Áki Ásgeirsson og Halldór Úlfarsson koma fram á tónleikum í Mengi. Flutt verða vídeóverk og tónlistatriði sem tengjast ferð þeirra Áka og Halldórs á seglskútu um Breiðafjörð sumarið 2012. Halldór tók upp myndbönd sem sýnd verða við raftónlist Áka. Að auki leika þeir saman á Dórófón og önnur rafræn hljóðfæri. Tónleikarnir hefjast 21:00 og það kostar 2000 inn.
Sænski tónlistarmaðurinn Adam Evald leikur á Dillon, tónleikarnir byrja 22:00 og aðgangseyrir er 1000 krónur.
Laugardagur 6. Desember
Í Þjóðleikhúskjallaranum verða Tribute tónleikur til heiðurs Skúla Mennska. Þar mun einvalalið söngvara flytja helstu lög Skúla ásamt hljómsveit en meðal flytjenda eru Pétur Ben, Markús Bjarnason, 7oi og Bóas Hallgrímsson. Leynigestur, kynn og gítarleikari verður svo Skúli Mennski sjálfur en tónleikarnir byrja 22:00 og miðverðu er 2500 krónur.
Tón- og myndlistarmaðurinn Páll Ívan frá Eiðum kemur fram á tónleikum í Mengi.
Hacker Farm kemur fram ásamt AMFJ, Ultraorthodox og Harry Knuckles á Paloma. Rafgeggjunin byrjar 21:00 og aðgangseyrir er 1000 krónur.
Fyrir jólin 2011 sendi reykvíska rokksveitin Gang Related frá sér jólalagið Jesús Jólasveinn. Lagið sem er sungið til Jesús, fjallar um mann sem er með flest allt á hornum sér sem snýr að jólunum, og kallar Jesús jólasvein. Ljóst er að jólin eru ekki allra. Myndbandið sem var gert af hljómsveitinni er stórskemmtilegt.
