Tónlistarkonan Natasha Khan sem er betur þekkt undir listamannsnafninu Bat For Lashes gaf í dag út annað lagið af væntanlegri plötu sinni – The Haunted Man sem kemur út þann 15. október næstkomandi. Platan fylgir á eftir plötunni Two Suns frá árinu 2009. Khan gaf út fyrstu smáskífuna Laura fyrr í sumar. Marilyn er elektró popp eins og það gerist best.
Nolo sjónvarpsviðtal
Við hittum þá Ívar Björnsson og Jón Lorange sem skipa hljómsveitina Nolo. Þeir sögðu okkur frá ferlinu í kringum plötugerð, kostinn að vera tveir í hljómsveit og breytta hljóðfæraskipan. Auk þess tóku þeir glænýtt lag fyrir okkur sem nefnist Stuck on a Mind.
Frumraun Ojba Rasta
Fyrsta plata reykvísku reggí hljómsveitarinnar Ojba Rasta kemur út næsta þriðjudag. Platan sem er samnefnd sveitinni kemur út hjá Records Records og hefst forsala á henni hjá Gogoyoko.com í dag. Platan verður bæði gefin út á geisladisk og vinyl. Auk laganna – Jolly Good, Baldursbrá og Hreppstjórinn sem sveitin hefur sent frá sér sem smáskífur eru fimm önnur lög á plötunni. Hlustið á lögin Gjafir Jarðar og Í ljósaskiptunum hér fyrir neðan.
Önnur plata Tame Impala
Áströlsku sýru rokkararnir í Tame Impala gefa út sína aðra plötu þann 5. október næstkomandi. Platan sem heitir Lonerism fylgir á eftir hinni frábæru Innerspeaker sem kom út árið 2010. Líkt og með þá plötu var Lonerism tekin upp af Keven Parker söngvara og lagahöfund sveitarinnar. Parker byrjaði að semja lögin á plötunni næstum um leið og frumburðurinn kom út og var hún að mestu samin og tekin upp á flakki um heiminn á meðan að hljómsveitin kynnti Innerspeaker. Hlustið á þrjú lög af plötunni hér fyrir neðan
Be Above It
1. Be Above It
Endors Toi
2. Endors Toi
Why Won’t They Talk To Me
3. Why Won't They Talk To Me_
CFCF remixar Saint Lou Lou
Kanadíski tónlistarmaðurinn Mike Silver betur þekktur undir listamannsnafninu CFCF endurhljóðblandaði á dögunum hið draumkennda lag tvíburasystranna í Saint Lou Lou – Maybe You. Hlustið á afraksturinn hér fyrir neðan.
Fyrsta plata Angry Bones
Reykvíska indie-rokk hljómsveitin Angry Bones hyggst gefa út sína fyrstu plötu sem fengið hefur nafnið Lots Of Voluntary Effort á næstunni. Hljómsveitin sem er frekar ný af nálinni hefur nú þegar gefið út tvær smáskífur af plötunni – Kim Peek og My Little Box sem hægt er að hlusta á og hlaða niður hér fyrir neðan.
The Raveonettes Rannsaka
Danska dúóið The Raveonettes gefa út sína sjöttu plötu – Observator í dag. Platan var samin af söngvara og gítarleikara hljómsveitarinnar Sune Rose Wagner á þriggja daga flakki hans um Venice Beach í Los Angeles. Hann hafði ákveðið að ferðast þanngað til að sækja innblástur en ferðalag hans endaði á þriggja daga drykkju og eiturlyfja túr sem má rekja til Þunglyndis sem þjáði hann vegna bakverkja. Lögin á plötunni eru innblásin af fólki sem hann fylgdist með á þessum tíma og þar kemur titillinn til sögunnar. Flestir þessa einstaklinga voru langt leiddir í neyslu og ógæfu. Platan var svo tekin upp á þriggja vikna tímabili í Sunset Sound Recorders í Los Angeles, sem var valið af þeirri ástæðu að Wagner vildi taka upp á þeim stað þar sem hljómsveitin The Doors tók upp flest sín bestu lög. Hlustið á þrjú lög af plötunni hér fyrir neðan.
Young and Cold:
1. 01 Young And Cold
Sinking With The Sun:
2. 05 Sinking With The Sun
Downtown:
3. 07 Downtown
Lagalisti Vikunnar – Straumur 218
Hér er hægt að hlusta á þáttinn!
1) Cheap Bear – FIDLAR
2) @deathgripz – Death Grips
3) Latch (ft. Sam Smith) – Disclosure
4) Regalia – Savoir Adore
5) Anything Could Happen (Blood Diamonds remix) – Ellie Goulding
6) Young and Cold – The Raveonettes
7) Sinking With The Sun – The Raveonettes
8) Downtown – The Raveonettes
9) Heavy Water Riddim – Zed Bias
10) Default – Atoms For Peace
11) Softkiss (Pional remix) – Lemonade
12) Ashland Slumber – SFV Acid
13) It’s Cool – The Presets
14) Youth In Trouble – The Presets
15) How Do You Do (Todd Terje remix) – Hot Chip
16) New Life – Teen Daze
17) Be Above It – Tame Impala
18) Endors Toi – Tame Impala
19) Why Won’t They Talk To Me – Tame Impala
20) Kim Peek – Angry Bones
21) My Little Box – Angry Bones
22) Only You – Taken By Trees
23) Large – Taken By Trees
Savoir Adore gefa út
Brooklyn dúóið Savoir Adore gefur út plötuna Our Nature þann 22. október næstkomandi. Fyrsta smáskífan af plötunni nefnist Regalia og er indie popp af bestu gerð. Hljómsveitin var stofnuð árið 2007 og gaf út sína fyrstu stóru plötu – In The Wooded Forest árið 2009. Savoir Adore hefur verið líkt við bönd á borð við Postal Service og Brokn Social Scene. Hlustið á lagið Regalia hér fyrir neðan.
Sudden Weather Change Sjónvarpsviðtal
Við kíktum í æfingarhúsnæðið hjá reykvísku hljómsveitinni Sudden Weather Change, sem voru að æfa fyrir útgáfutónleika sem verða á Faktorý á morgun af tilefni útgáfu plötunnar Sculpture. Við spurðum hljómsveitinna út í muninn á fyrstu plötunni og þeirri nýjustu, æfarhúsnæðismál í Reykjavík og áhrifavalda. Einnig fengum við bandið til að taka lagið Blues af Sculpture.
Útgáfutónleikar hljómsveitarinnar hefjast klukkan tíu á morgun og munu Ghostigital og The Heavy Experience koma fram ásamt Sudden Weather Change. Miðaverð er 1500 kr og 3000 kr + plata.