Reggae-tónlistarmaðurinn Jacob Miller sem fór fyrir hljómsveitinni Inner Circle gaf út jólaplötuna Natty Christmas tveim árum áður en hann lést árið 1978. Platan er oft nefnd þegar öðruvísi jólaplötur ber á góma en á henni er Miller í feikna raggae fíling. Jólalag dagsins er skemmtileg reggae útgáfa af We Wish You a Merry Christmas með Miller og félögum.
Kraumsverðlaunin, árleg plötuverðlaun Kraums tónlistarsjóðs, voru afhent í sjöunda sinn í dag. Líkt og undanfarin ár voru sex plötur sem þykja hafa skarað framúr í íslenskri plötuútgáfu á árinu verðlaunaðar.
Kraumsverðlaununum og Kraumslistanum, 20 platna úrvalslista verðlaunanna sem þeim fylgja, er ætlað að kynna og styðja við plötuútgáfu íslenskra hljómsveita og listamanna með því að verðlauna og vekja sérstaka athygli á því sem er nýtt og spennandi – og þeim verkum sem þykja skara fram úr í gæðum, metnaði og frumleika. Verðlaunin eru ekki bundinn neinni ákveðinni tónlistarstefnu og þeim fylgja engir undirflokkar.
Kraumsverðlaunin snúast ekki um eina ákveðna verðlaunaplötu heldur að verðlauna þær sex hljómplötur sem hljóta verðlaunin – og jafnframt að beina kastljósinu að Kraumslistanum í heild sinni. Kraumslistinn er 20 platna úrvalslisti verðlaunanna sem birtur er í byrjun desember. Dómnefnd Kraumsverðlaunanna velur síðan og verðlaunar sérstaklega sex hljómplötur af þeim lista er hljóta sjálf Kraumsverðlaunin.
Kraumsverðlaunin 2014 hljóta
Kraumslistinn 2014, úrvalslisti Kraumsverðlaunanna, sem þegar hefur verið tilkynntur er eftirfarandi:
· AdHd – AdHd 5
· Anna Þorvaldsdóttir – Aerial
· Ben Frost – Aurora
· Börn – Börn
· Grísalappalísa – Rökrétt framhald
· Hekla Magnúsdóttir – Hekla
· Kippi Kaninus – Temperaments
· Low Roar – O
· M-Band – Haust
· Oyama – Coolboy
· Óbó – Innhverfi
· Ólöf Arnalds – Palme
· Pink Street Boys – Trash From the Boys
· Russian Girls – Old Stories
· Sindri Eldon – Bitter & Resentful
· Singapore Sling – The Tower of Foronicity
· Skakkamanage – Sounds of Merry Making
· Skúli Sverris, Anthony Burr & Yungchen Lhamo – They Hold it For Certain
· Úlfur Kolka – Borgaraleg óhlýðni
· Þórir Georg – Ræfill
Meðal þeirra sem hlotið hafa Kraumsverðlaun fyrir verk sín frá því þau voru fyrst veitt árið 2008 eru; Mammút, Cell 7, Sin Fang, Grísalappalísa, Gunnar Andreas Kristinsson, Just Another Snake Cult, DJ flugvél og geimskip, Ásgeir Trausti, Hjaltalín, Sóley, Moses Hightower, Retro Stefson, Samaris, Lay Low, Daníel Bjarnason, Ólöf Arnalds, Anna Guðný Guðmundsdóttir, Hildur Guðnadóttir, Agent Fresco, Hugi Guðmundsson, Ísafold kammersveit og FM Belfast. (sjá lista allra Kraumsverðlaunahafa hér að neðan)
Kraumslistinn, úrvalslisti Kraumsverðlaunanna, var valin af tíu manna dómnefnd, svokölluðu öldungaráði verðlaunanna, sem skipað er fólki sem hefur margvíslega reynslu af því að hlusta á, vinna með og fjalla um íslenska tónlist. Ráðið skipa Árni Matthíasson (formaður dómnefndar), Benedikt Reynisson, Elísabet Indra Ragnarsdóttir, María Lilja Þrastardóttir, Ólafur Halldór Ólafsson, Ragnheiður Eiríksdóttir, Trausti Júlíusson, Valdís Thor og Þórunn Edda Magnúsdóttir. Stærri 20 manna dómnefnd skipað ofangreindum aðilum og fleirum sá síðan um að velja 6 plötur af Kraumslistanum sem hlutu Kraumsverðlaunin.
Dómnefnd Kraumsverðlaunanna hefur hlustað á hátt í annað hundrað hljómplatna við val sitt á Kraumslistanum og Kraumsverðlaununum 2014.
Fimmtudagur 11. desember
Hljómsveitin Árstíðir kemur fram á Húrra. Tónleikarnir hefjast klukka 20:00 og það kostar 1500 kr inn.
Föstudagur 12. desember
Berndsen heldur útgáfutónleika á Húrra. Miðaverð er 1500 kr og húsið opnar 21:00.
Tónlistarmaðurinn Jesus Fucking Christ frá Noregi kemur fram á Dillon ásamt AMFJ og Laser Life. Tónleikarnir hefjast klukkan 22:00 og það er ókeypis inn.
Laugardagur 13. desember
Sveinn Guðmundsson heldur tónleika klukkan 17:00 í Jógasal Ljósheima á fjórðu hæð Borgartúns 3. Sveinn mun leika lög af plötu sinni „Fyrir herra Spock, MacGyver og mig“ í bland við ný lög. Það er frítt inn.
Nordic Events standa að vetrarpartý í Hafnarhúsi Listasafns Reykjavíkur. Aðal númer kvöldsins eru Claptone frá Þýskalandi, ásamt þeim koma fram Wildkats frá Skotlandi og Sísí Ey. Húsið opnar klukkan 1:00 og það kostar 4900 kr inn.
Fyrrum söngvari hljómsveitarinnar Stranglers, Hugh Cornwell, kemur fram á Gamla Gauknum. Ásamt honum koma fram Pétur Ben, Hljómsveit Smutty Smiffs, 302, ásamt nokkrum rokkabillý og pönk plötusnúðum. Tónleikarnir hefjast klukkan 21:00 og það kostar 3500 kr. inn.
Tónlistarmaðurinn Kött Grá Pje kemur fram á Húrra. Tónleikarnir hefjast klukkan 21:00 og það kostar 1500 kr inn.
Ghostigital ásamt Finnboga Péturssyni koma fram undir forskriftinni “Teygjanlegur Sannleikur” í Mengi. Tónleikarnir hefjast klukkan 21:00 og það kostar 2000 kr. inn.
Fyrir jólin 2005 ákvað íslenska hljómsveitin Skakkamange að gefa heiminum gjöf í formi lags. Lagið sem hljómsveitin gaf heiminum fjallar um uppáhalds áfangastað íslensku þjóðarinnar um jól og ber nafnið Costa Del Jól. Gleðileg Costa Del Jól.
Fyrri árslistaþáttur Straums yfir 30 bestu plötur ársins er á dagskrá á X-inu 977 klukkan 23:00 í kvöld. Farið verður yfir 30. til 16. sæti í kvöld og næstu viku verður svo farið yfir 15. til 1. sæti.
Árslisti Straums 2014 – fyrri þáttur by Straumur on Mixcloud
30) tUnE-yArDs – Nikki Nack
29) Mourn – Mourn
28) Arca – Xen
27) Little Dragon – Nabuma Rubberband
26) Damon Albarn – Everyday Robots
25) Cashmere Cat – Wedding Bells EP
24) Metronomy – Love Letters
23) Yumi Zouma – Yumi Zouma EP
22) FKA twigs – LP1
21) Shamir – Northtown EP
20) Ben Khan – 1992 EP
19) Giraffage – No Reason
18) Mac DeMarco – Salad Days
17) Real Estate – Atlas
16) Stephen Malkmus & The Jicks – Wig Out at Jagbags
New Jersey sveitin Fountains of Wayne gaf út lagið Man In the Santa Suit fyrir jólin 1997. Lagið sem segir frá feitum manni í jólasveinabúning svipar nokkuð til hins frábæra Father Christmas með Kinks árinu 1977.
Skoska indípoppsveitin Belle And Sebastian gaf í dag frá sér nýtt lag og myndband af sinni næstu breiðskífu sem væntanleg er í janúar. Lagið heitir Nobody’s Empire og er annað lagið af skífunni sem hefur litið dagsins ljós, en hið fyrra var stuðsmellurinn Party Line. Platan ber titilinn Girls In Peacetime Want To Dance og verður fyrsta breiðskífa sveitarinnar frá því Write About Love Kom út árið 2010. Þá má geta þess að sveitin er væntanleg til Íslands að spila á All Tomorrow’s Parties hátíðinni næsta sumar. Horfið á myndbandið hér fyrir neðan.
Tónlistarmaðurinn Teitur Magnússon heldur útgáfutónleika á morgun miðvikudaginn 10. desember á skemmtistaðum Húrra í tilefni af útgáfu fyrstu sólóplötu sinnar 27. Einvala lið spilar ásamt Teiti þetta kvöld. “Hljómsveitarsamsetning þessi verður reyndar svo stórfengleg að um einstakan viðburð er að ræða, því ólíklegt þykir að slík veglegheit endurtaki sig í bráð” segir Teitur.
Hljómsveitina skipa:
Erling Bang (Ojba Rasta, Celestine, I adapt), Ingibjörg Elsa Turchi (Boogie Trouble), Örn Eldjárn (Ylja), Samúel Jón Samúelsson (Jagúar), Sigurlaug Gísladóttir (Mr. Silla, Múm), Arnljótur Sigurðsson (Ojba Rasta), Steingrímur Teague (Moses Hightower). Auk þess sem fleiri góðir leynigestir bregða á leik.
Lagið Nenni er búið að gera það gott að undanförnu og hér má heyra nýtt lag af plötunni. Vinur vina minna:
Glöggir hlustendur heyra þarna einkar sérstæðan hljóm cuicu sem framkallar apahljóð.
Húsið opnar 20:00.
Dagskráin hefst klukkan 21:00.
Björn Jörundur hitar upp.
Aðgangseyrir: 1500 kr
Platan á sérstöku tilboði.
Tónlistarmennirnir Jamie xx, Jimmy Edgar og Ryan Hemsworth voru tilkynntir fyrr í dag á Sónar hátíðina í Reykjavík. Auk þeirra var tilkynnt að Jón Ólafsson & Futuregrapher, Emmsjé Gauti, Páll Ivan frá Eiðum, Kött Grá Pé, AMFJ og Bjarki koma fram á hátíðinni. Sónar Reykjavik fer fram á 5 sviðum dagana 12, 13 og 14. febrúar í Hörpu.
Í dag eru nákvæmlega 34 ár frá því að John Lennon var myrtur fyrir utan heimilið sitt í New York borg. Í tilefni af því er jólalag dagsins nýleg ábreiða The Flaming Lips & Yoko Ono á lagi þeirra hjónakorna Happy Xmas (War Is Over) sem kom út fyrir jólin 1971.
