Hinn 21 gamli bandaríkjamaður Yoodoo Park, sem gefur út tónlist undir nafninu GRMLN, gaf út jólalagið Before December (You’re Alive) í byrjun mánaðarins.
Category: Uncategorized
16. desember: Lonely This Christmas – DZ Deathrays
Jólalag dagsins er nýleg ábreiða áströlsku hljómsveitarinnar DZ Deathrays á Mud laginu Lonely This Christmas sem kom út árið 1974.
15. desember: Jólasveinar 1 og 808 – Futuregrapher
Íslenski raftónlistarmaðurinn Árni Grétar öðru nafni Futuregrapher gaf rétt í þessu út jólalagið Jólasveinar 1 og 808 sem er jólalag dagsins í jóladagatali Straums.
14. desember: Wonderful Christmastime – The Shins
Bandaríska hljómsveitin The Shins sendi frá sér ábreiðu af jólalagi Paul McCartney frá árinu 1979 Wonderful Christmastime fyrir jólin 2012. Lagið er að finna á safnplötunni Holidays Rule.
MP3:
1. Wonderful Christmastime
13. desember – Christmas Is A Coming – Leadbelly
Jólalag dagsins er Christmas Is A Coming af barnaplötu hins frábæra Huddie Leadbelly – Lead Belly Sings for Children. Myndbandið sem fylgir laginu er tekið úr jólamynd að nafninu Santa Claus frá árinu 1898. Þess má geta að Leadbelly var dæmdur í fangelsi fyrir morð og seinna fyrir morðtiltraun og lét Bob Dylan eitt sinn hafa það eftir sér að Leadbelly væri líklega eini fyrrverandi tugthúslimurinn sem sent hefði frá sér vinsæla barnaplötu.
12. desember: Santa Claus – The Sonics
Bandaríska bílskúrsrokk hljómsveitin The Sonics gaf út sína fyrstu plötu Here Are The Sonics árið 1965 sem átti eftir að verða gríðarlega áhrifamikil í gegnum tíðina. Þegar platan var endurútgefin árið 1999 var þremur jólalögum bætt við plötuna sem tekin voru upp um svipað leyti. Þar á meðal var lagið Santa Claus sem byggt er á laginu Father John eftir hljómsveitina The Premiers.
11. desember: We Wish You a Merry Christmas – Jacob Miller
Reggae-tónlistarmaðurinn Jacob Miller sem fór fyrir hljómsveitinni Inner Circle gaf út jólaplötuna Natty Christmas tveim árum áður en hann lést árið 1978. Platan er oft nefnd þegar öðruvísi jólaplötur ber á góma en á henni er Miller í feikna raggae fíling. Jólalag dagsins er skemmtileg reggae útgáfa af We Wish You a Merry Christmas með Miller og félögum.
10. desember: Costa Del Jól – Skakkamanage
Fyrir jólin 2005 ákvað íslenska hljómsveitin Skakkamange að gefa heiminum gjöf í formi lags. Lagið sem hljómsveitin gaf heiminum fjallar um uppáhalds áfangastað íslensku þjóðarinnar um jól og ber nafnið Costa Del Jól. Gleðileg Costa Del Jól.
9. desember: Man in the Santa Suit – Fountains of Wayne
New Jersey sveitin Fountains of Wayne gaf út lagið Man In the Santa Suit fyrir jólin 1997. Lagið sem segir frá feitum manni í jólasveinabúning svipar nokkuð til hins frábæra Father Christmas með Kinks árinu 1977.
8. desember: Happy Xmas (War Is Over) – The Flaming Lips & Yoko Ono
Í dag eru nákvæmlega 34 ár frá því að John Lennon var myrtur fyrir utan heimilið sitt í New York borg. Í tilefni af því er jólalag dagsins nýleg ábreiða The Flaming Lips & Yoko Ono á lagi þeirra hjónakorna Happy Xmas (War Is Over) sem kom út fyrir jólin 1971.