Þriðji Iceland Airwaves sérþáttur Straums var á dagskrá á X-inu 977 í gærkvöldi. Hljómsveitirnar Retro Stefson og Mammút kíktu í heimsókn auk tónlistarmannsins Snorra Helgasonar. Einnig var leikið viðtal við I Break Horses og miði gefin á hátíðina.
1. hluti: viðtal við Retro Stefson
2. hluti: viðtal við I Break Horses
3. hluti: viðtal við Mammút
4. hluti: viðtal við Snorra Helgason og miði gefin
Systra tríóið Haim frá Los Angeles sem koma fram á Iceland Airwaves hátíðinni í nóvember sendu í dag frá sér glænýtt lag. Lagið heitir Don’t Save Me og verður að finna á fyrstu stóru plötu hljómsveitarinnar sem er væntanleg bráðlega. Haim spila á Gamla Gauknum fimmtudaginn 1. nóvember klukkan 0:10.
Söngkonan Lovísa Elísabet Sigrúnardóttir sem er best þekkt undir listamannsnafninu Lay Low sendi í dag frá sér tveggja laga vinyl plötu í takmörkuðu og númeruðu upplagi. Lögin á plötunni heita The Backbone og Rearrangement. Fyrra lagið er nýtt en seinna kom út á plötunni Brostinn strengur í fyrra undir nafninu Gleym mér ei. Lay Low sendi einnig frá sér myndband við lagið The Backbone sem hægt er að horfa á hér fyrir neðan.
Hin íslenska útgáfa Bedroom Community hefur nú samið við bandaríkjamanninn Paul Corley um útgáfu á hans fyrstu plötu. Corley hefur unnið náið með meðlimum útgáfunnar í fjölmörg ár, en hann kom til að mynda að plötum á borð við SÓLARIS eftir þá Ben Frost og Daníel Bjarnason, By The Throat eftir Ben Frost, Draumalandið eftir Valgeir Sigurðsson auk Ravedeath 1972 eftir Tim Hecker o.fl.
Plata Paul Corley – Disquiet- kemur út þann 5. nóvember á heimsvísu, en sérstök forsala verður á bandcamp síðu hans sem og í völdum búðum hér á landi fyrir Iceland Airwaves, en þar kemur Corley einmitt fram í fyrsta sinn. Hlustið á tóndæmi hér fyrir neðan.
Hljómsveitin Oyama sendi í dag frá sér lagið Dinosaur en lagið var frumflutt í þættinum Straum á X-inu 977 í gærkvöldi. Sveitin mun koma fram á Iceland Airwaves fimmtudaginn 1. nóvember klukkan 20:00 á Amsterdam.
1. hluti: [audio src=”http://straum.is/wp-content/uploads/2012/10/223-1.mp3″]
2. hluti: [audio src=”http://straum.is/wp-content/uploads/2012/10/223-2.mp3″]
3. hluti: [audio src=”http://straum.is/wp-content/uploads/2012/10/223-3.mp3″]
1) Heal – Child Of Lov
2) Forever (Lindstrøm & Prins Thomas remix) – Haim
3) it Gets Dark – Holy Ghost!
4) AWWWKWAARRRDDD (ft. Kate Nash) – FIDLAR
5) Would You Be My Love – Ty Segall
6) Another Dream – Mmoss
7) Human – Nolo
8) Good Dor You – Icona Pop
9) Chained (Recycle Culture remix) – The xx
10) I Go Insane – LCMDF
11) Losing You – (Cyril Hahn remix) – Solange
12) The Final Round – Borko
13) Dinosaur – OYAMA
14) Sleep-in – Times New Viking
15) All – Blackbird Blackbird
Reykvíska hljómsveitin Nolo senda á næstunni frá sér lagið Human. Hljómur lagsins er mjög “lo-fi” og verður það á væntanlegri smáskífu sem sveitin hyggst gefa út í náinni framtíð. Hlustið á þetta frábæra lag hér fyrir neðan.
Reykvíska shoegaze hljómsveitin Oyama hefur verið starfrækt síðan snemma á þessu ári. Við kíktum á þau Úlf Alexander Einarsson og Júlíu Hermannsdóttur meðlimi hljómsveitarinnar sem svöruðu nokkrum spurningum og tóku eitt lag fyrir okkur.
Huldumaðurinn Child of Lov gaf nýverið út stuðsmellinn Heal sem er forsmekkurinn af væntanlegri plötu sem kemur út í lok nóvember. Rödd þessa óþekkta ástarbarns er nokkuð rám og veðruð en hann er þó óhræddur við að dýfa sér í falsettuna. Ólygnir segja að suddalega bassalínan sé á ábyrgð sjálfs Damons Albarns en hún ásamt fönkuðum gítarriffum setja mikinn svip á lagið. Allt er þetta ákaflega skítugt en um leið grípandi klístrað þannig það límist vel við heilann. Í myndbandinu má svo sjá barnunga hipstera rústa hjóli, leika sér að sveppum og dansa á hjólaskautaballi. Á plötunni mun hann njóta aðstoðar áðurnefnds Albarns auk Thundercat og rapparans MF DOOM.
Annar Iceland Airwaves sérþáttur Straums var á dagskrá á X-inu 977 í gærkvöldi. Sindri Már Sigfússon og hljómsveitin Tilbury kíktu í þáttinn, auk þess sem spiluð voru viðtöl við Árna Hjörvar úr The Vaccines og Michael Gira úr Swans.
1. hluti: Viðtal við Sindra úr Sin Fang
2. hluti: Viðtal við Árna Hjörvar úr The Vaccines
3. hluti: Viðtal við Tilbury og miði gefin
4. hluti: Viðtal við Swans
