Hrafnkell Flóki Kaktus Einarsson og Guðlaugur Halldór Einarsson skipa raftónlistar dúóið Captain Fufanu. Á dögunum kíktum við í stúdíóið þeirra þar sem þeir svöruðu nokkrum spurningum og tóku lagið Everything Got Stolen sem byggir á þeirra eigin reynslu.
Category: Sjónvarp
Japandroids sjónvarpsviðtal
Kanadíska hljómsveitin Japandroids spilaði á tónleikum á Gamla Gauknum miðvikudaginn 22. ágúst síðastliðinn. Rétt fyrir tónleikana tókum við þá Brian King (gítar/söngur) og David Prowse (trommur/söngur) í smá spjall. Við spurðum þá meðal annars út í tónleikaferðalög, áhrifavalda og framtíð hljómsveitarinnar.
Nolo sjónvarpsviðtal
Við hittum þá Ívar Björnsson og Jón Lorange sem skipa hljómsveitina Nolo. Þeir sögðu okkur frá ferlinu í kringum plötugerð, kostinn að vera tveir í hljómsveit og breytta hljóðfæraskipan. Auk þess tóku þeir glænýtt lag fyrir okkur sem nefnist Stuck on a Mind.
Sudden Weather Change Sjónvarpsviðtal
Við kíktum í æfingarhúsnæðið hjá reykvísku hljómsveitinni Sudden Weather Change, sem voru að æfa fyrir útgáfutónleika sem verða á Faktorý á morgun af tilefni útgáfu plötunnar Sculpture. Við spurðum hljómsveitinna út í muninn á fyrstu plötunni og þeirri nýjustu, æfarhúsnæðismál í Reykjavík og áhrifavalda. Einnig fengum við bandið til að taka lagið Blues af Sculpture.
Útgáfutónleikar hljómsveitarinnar hefjast klukkan tíu á morgun og munu Ghostigital og The Heavy Experience koma fram ásamt Sudden Weather Change. Miðaverð er 1500 kr og 3000 kr + plata.
Dream Central Station sjónvarpsviðtal
Við hittum þau Hallberg Daða Hallbergsson og Elsu Maríu Blöndal forsprakka hljómsveitarinnar Dream Central Station á heimili Hallbergs fyrir stuttu. Hallberg var áður í hljómsveitinni Jakobínarína og Elsa María í Go-Go Darkness. Þau tóku órafmagnaða útgáfu af einu lagi og sögðu okkur m.a. frá sögu sveitarinnar, Berlín og tónleikahaldi hér á landi.
Skúli mennski sjónvarpsviðtal
Viðtal við tónlistarmanninn, pylsusalann og lífskúnsterinn Skúla Þórðarson, öðru nafni Skúla mennska. Við spurðum Skúla m.a. út í nafnið, aukavinnuna og áhrifavalda.