Category: Fréttir

Major Lazer í Kaupmannahöfn – tónleikadómur

Fyrir þá sem ekki vita er ”Major Lazer” hugarfóstur DJ/pródúseranna Diplo og Switch, sem kynntust eftir samstarf þeirra og M.I.A. Sá síðarnefndi yfirgaf þó”projectið” seint á seinasta ári sökum listræns ágreinings og í stað hans kom inn DJ/pródúserinn Jillionaire.

Með á sviðinu á Store Vega voru 2 hermannaklæddir dansarar sem og einn vel upp hýpaður Mc sem kunni svo sannarlega að stýra fólki í party-gírinn líkt og um  strengjabrúður væru að ræða.

Þegar einungis 10 mínútur  voru liðnar af settinu klæddi Diplo sig í uppblásna plastkúlu og danaði ofan á áhorfendum  í  dágóða stund. Þegar Majorinn var á 5 eða 6 lagi var keyrslan orðin gríðaleg og hélt hann fólki á tánum frá upphafi til enda. Af þeim klúbba kvöldum sem ég hef verið á Íslandi eða annarsstaðar í evrópu, hef ég aldrei upplifað jafn mikinn bassa á einu kvöldi, það má með sanni segja að gríðalega danzveisla hafi átt sér stað.

Mér fannst það einkenna svolítið tónleikana að Diplo kláraði ekki helming laga sinna. Fyrstu 40 mínúturnar spilaði hann lagabúta frá 0:30-1:30 mínútur sem ég persónulega sé sem frekar stóran mínus, þar sem flest af þessum lögum eru heldur góð danzilög ein og sér, en fólkið í salnum var greinilega ekki sammála mér.

Á Major Lazer tónleikum ríkir engin ein tónlistarstefna, kraftmikil dancehall tónlist í bland við taktfast tæknó sem og fusion reggae, hip hop, house og fleira. Diplo veigraði sér heldur ekki við því að remix-a aðra listamenn og gerði það mjög vel á köflum, helst ber þar að nefna Beastie Boy’s hittarann ”Intergalactic”, ”Day and Nite” með Kid Cudi, ”One Love” með Bob Marley og síðazt en ekki sízt Snoop Dogg smellinn ”Drop it like it’s hot” nema hvað að í Major Lazer útgáfunni syngur Snoop textann eitthvað á þessa leið; ”Major Lazer’s in the crip ’ma, drop it like it´s hot”. ”Úr að ofan, úr að ofan, allir úr”, glumdi í strengjabrúðuleikaranum knáa sem svo sannarlega var ekki að gera þetta í fyrsta sinn.

Allir sem einn héldu vel blautum bolunum á lofti og þeyttu þeim hring eftir hring. Það má með sanni segja að Diplo og félagar kunni einstakt lag á fólki og verður það ekki af þeim tekið, ókrýndur konungur partýs-ins um ókomna tíð. Þegar upp er staðið heppnaðist kvöldið mjög vel, fólk skemmti sér eins og það bezt gat, en það vantaði helminginn af lögunum sem var synd!

 Hjalti Heiðar Jónsson

Myndband frá Major Lazer

Major Lazer sem gefa út plötuna Free The Universe þann 6. nóvember sendu í dag frá sér myndband við lagið Get Free, sem var sumarlag Straums þetta árið. Í myndbandinu sést fólk dansa og skemmta sér og koma bæði Diplo og söngkonan Amber Coffman sem syngur í laginu fram í því. Horfið á það hér fyrir neðan.

 

Trail of Dead með nýja plötu

Austin rokkararnir í …And You Will Know Us By The Trail Of Dead gefa út sína 8. plötu – Lost Songs 22. október næstkomandi. Hljómsveitin sendi frá sér fyrsta lagið af plötunni í dag sem nefnist Up To Infinity og er tileinkað rússnesku hljómsveitinni Pussy Riot sem nýlega voru dæmdar í 2 ára fangelsi. Hlustið á lagið hér fyrir neðan.

Prince Rama spila í Reykjavík

Bandaríska grasrótar- sækadelíusveitin Prince Rama mun spila á Faktorý föstudaginn 24. ágúst næstkomandi.
 Prince Rama er skipuð systrunum Taraka og Nimai Larson sem voru aldar upp í Hare Krishna kommúnu í Florida og skólaðar í School of Museum of Visual Art í Boston. Í dag búa systurnar  í Brooklyn og hafa alls sent frá sér 4 breiðskífur. Sú síðasta, Trust Now, sem kom út í fyrra var gefin út af Paw Tracks útgáfunni sem er í eigu Animal Collective. Systurnar gefa út plötuna Top 10 Hits Of The End Of The World þann 6. nóvember næstkomandi

Kría Brekkan, sem áður var í hljómsveitinni múm, mætir með föruneyti og hitar upp samkomuna. Hægt er að nálgast miða á midi.is: http://midi.is/tonleikar/1/7177 og í verslunum Brim á Laugavegi og í Kringlunni, miðaverð er 1500 kr. Húsið opnar kl 22:00 og hefjast tónleikarnir  kl 23:00 en það er Gogo Yoko sem stendur að þeim. Hlustið á lagið So Destroyed af væntanlegri plötu hér fyrir neðan.

 

Lagalisti vikunnar – Straumur 215

1. hluti

      1. Straumur 215 #1

2. hluti 

      2. ”[audio
@http://straum.is/wp-content/uploads/2012/08/Straumur-215-3.mp3″ volslider=”y” style=”outline”]

3. hluti 

      3. ”[audio
@http://straum.is/wp-content/uploads/2012/08/Straumur-215-4.mp3″ volslider=”y” style=”outline”]

4. hluti

      4. Straumur 215 #4

1) The Wildest Moments – Jessie Ware

2) Rock Bottom – King Krule

3) I’m Not Talking – A.C. Newman

4) All The Bros Say – ABADABAD

5) Still – Ghetto Cross

6) Strange Love – Karen O

7) Her Fantasy (Poolside remix) – Matthew Dear

8) Glow – Retro Stefson

9) Younger Us – Japandroids

10) The House That Heaven Built – Japandroids

11) Adrenaline Nightshift – Japandroids

12) Ja Hello – The What Cheer? Brigade

13) So Destroyed – Prince Rama

14) Slowscope – The Heavy Experience

15) Night Light – Jessie Ware

16) Devotion – Jessie Ware

17) Still Love Me – Jessie Ware

18) No To Love – Jessie Ware

19) 110% – Jessie Ware

20) Listing – Minus The Bear

21) Zeros – Minus The Bear

22) Nothing Much – My Bubba & Mi

23) Wild & You – My Bubba & Mi

24) Continuous Thunder – Japandroids

Brjálað brass á Faktorý

Sunnudagskvöldið 26. ágúst mun brasssveitin The What Cheer? Brigade frá Providence í Bandaríkjunum halda tónleika á skemmtistaðnum Faktorý.

Þó að sveitin sé alveg órafmögnuð þá spila brassararnir fjórtán og trommararnir fimm af mikilli ákefð og hamleysi, eins og hæfir hljómsveit frá noise-pönk-víginu Providence. Þau blanda saman ýmsum tónlistarstefnum líkt og  Balkan, New Orleans jazzi, samba, Bollywood tónlist og hip-hopi. The New York Time sagði tónleika sveitarinnar  vera uppörvunarsprengingu.

Tónleikar What Cheer? Brigade í Reykjavík eru þeir fyrstu í tónleikaferð þeirra um Evrópu, þeirri fyrstu síðan þau unnu Haizetara International Street Music Cnotest á Spáni árið 2012. Árið 2009 spiluðu þau með raftónlistarmanninum Dan Deacon á goðsagnakenndum tónleikum á Lollapalooza. Fyrir neðan má sjá þau taka lagið Woof Woof ásamt Deacon.

 

Hér má sjá þau koma fram  á tónlistarhátíðinni Golden Festival  í New York þar sem þau spila balkanlagið  Buba Mara.

Væntanleg plata Animal Collective á netinu

Bandaríska hljómsveitin Animal Collective frumflutti væntanlega plötu sína Centipede Hz í net útvarpsþætti sínum Animal Collective Radio í gærkvöldi. Hægt er að streyma plötunni á síðu þáttarins radio.myanimalhome.net. Platan kemur út þann 3. september næstkomandi og er níunda plata hljómsveitarinnar.

Deerhunter + Black Lips = Ghetto Cross

Bradford Cox úr hljómsveitunum Deerhunter og Atlas Sound og Cole Alexander úr Black Lips leiða saman hesta sína að nýju í verkefni sem hófst í janúar árið 2008  og kallast Ghetto Cross. Félagarnir gáfu í dag út lagið Still og að þeirra sögn er heil plata tilbúin. Hlustið á og sækið  Still hér fyrir neðan.

      1. Ghetto_Cross_-_Still

mp3: 

      2. Ghetto_Cross_-_Still

 

 

Ókeypis tónleikar með Jimi Tenor í kvöld

Finnski furðufuglinn Jimi Tenor hitar upp fyrir menningarnótt með ókeypis tónleikum í Norræna húsinu í kvöld. Tenórinn er Íslendingum að góðu kunnur en hann hefur áður komið fram hér á landi og m.a. unnið með hljómsveitinni Gus Gus.

 

Hann vinnur nú að gerð plötu í samstarfi við reggísveitina Hjálma. Tenor hefur komið víða við á löngum ferli og var um tíma á mála hjá hinni virtu Warp útgáfu. Nýlega vann hann heila plötu í samstarfi við Afróbít trommarann Tony Allen. Tenor er jafnhentur á raftónlist og framúrstefnudjass og það verður spennandi að sjá hvað hann býður upp á í kvöld. Tónleikarnir hefjast klukkan 21:00 í Norræna húsinu.