Hinn 18 ára gamli raftónlistarmaður Sigurður Ýmir Kristjánsson, sem hefur tekið upp tónlist undir listamannsnafninu DREΛMCΛST um nokkurt skeið, sendi á dögunum frá sér lagið Floral Bloom á Soundcloud síðu sinni. Tónlist DREΛMCΛST má skilgreina sem draumkennt rafpopp undir áhrifum frá erlendum listamönnum líkt og Neon Indian, Toro Y Moi og Washed Out. Lagið Floral Bloom er hér fyrir neðan auk lagsins Lost Dreams sem DREΛMCΛST sendi frá sér í fyrra sumar.
Smáskífa frá Borko
Reykvíski tónlistarmaðurinn Borko sendir í dag frá sér lagið Born to be Free. Lagið er titillag væntanlegrar breiðskífu og verður fáanlegt á tónlistarveitunni Gogoyoko í dag og á öðrum rafrænum tónlistarveitum í kjölfarið. “B-hlið” smáskífunnar inniheldur endurhljóðblöndun af laginu eftir raftónlistarmanninn Hermigervil. Hægt er að hlusta á lagið hér fyrir neðan, auk endurhljóðblöndunnar.
Born to be Free (single version)
Born to be Free (Hermigervill Remix)
Nýtt lag frá A$AP Rocky
Bandaríski rapparinn A$AP Rocky hyggst gefa út plötu seinna á þessu ári með sínu nýjasta verkefni -A$AP Mob hópnum. Hópurinn sendi frá sér fyrstu smáskífuna Bath Salt í gær. Hægt er að hlusta á lagið hér fyrir neðan.
Reykvíska hljómsveitin RIF
Hljómsveitin RIF hefur verið starfandi í u.þ.b. eitt ár og er nú að koma fram á sjónarsviðið með sitt fyrsta lag, Fagur dagur af væntanlegri plötu. Liðsmenn sveitarinnar koma úr ýmsum áttum – Náttfara, Leaves, Feldberg, Stafrænum Hákon og Miri. Hlustið á lagið Fagur dagur hér fyrir neðan.
Phone Sex remix
Lagið Phone Sex með Blood Diamonds og Grimes hefur nú verið endurhljóðblandað af Nashville bandinu Jensen Sportstag. Hlustið á lagið hér fyrir neðan.
Sea & Cake senda frá sér lag
Hljómsveitin Sea & Cake, sem kemur frá Chicago borg í Bandaríkjunum, hyggst gefa út sína tíundu plötu – Runner seinna á þessu ári. Sveitin sendi í morgun frá sér fyrsta lagið af plötunni sem heitir Harps. Hægt er að hlaða því niður hér fyrir neðan.
1. The Sea And Cake - Harps
2. The Sea And Cake - Harps
Myndband frá Taken By Trees
Sænska söngkonan Victoria Bergsman, sem gefur út tónlist undir listamannsnafninu Taken By Trees, var að senda frá sér sumarlegt myndband við hið fallega lag Dreams. Lagið verður á væntanlegri plötu söngkonunnar – Other Worlds sem kemur út þann 2. október næskomandi. Flestir ættu að þekkja Bergsman sem söngkonuna úr ofursmellinum Young Folks með Peter, Björn and John frá árinu 2006. Hér fyrir neðan er myndbandið við Dreams.
Nýtt með Tame Impala
Ástralska sýru-popp hljómsveitin Tame Impala sendi í kvöld frá sér fyrstu smáskífuna af væntanlegri plötu sinni – Lonerism sem kemur út þann 8. október næstkomandi. Sveitin hafði áður sent frá sér lagið Apocalypse Dreams af plötunni. Hægt er að hlusta á lagið hér fyrir neðan.
Önnur plata Sudden Weather Change
Reykvíska hljómsveitin Sudden Weather Change gefur út sína aðra plötu – Sculpture þann 1. ágúst næstkomandi. Hljómsveitin sendi frá sér plötuna Stop! Handgrenade In The Name Of Crib-Death ‘nderstand? árið 2009 og stuttskífuna Varrior árið 2010. Hægt er að hlusta á lagið Blues af Sculpture hér fyrir neðan.
1. 07 Blues
Tónlistarsenan í Montreal
Greg Bouchard frá hinu virta tónlistar- og menningar bloggi www.midnightpoutine.ca, frá Montreal var gestur Straums í byrjun þessa mánaðar. Greg fræddi okkur um tónlistarsenuna í Montreal sem er blómleg um þessar mundir og bar hana saman við þá íslensku. Greg kom einnig til okkar í fyrrasumar og sagði okkur frá því hvernig senan hefur þróast á milli ára. Það sem bar hæðst þetta árið eru auknar vinsældir tónlistarkonunnar Grimes. Hér fyrir neðan er hægt að hlusta á viðtalið í ár og viðtalið frá því í fyrra, auk laga sem Greg mælti með frá tónlistarmönnum frá Montreal.
1. Montreal 2012
2. Montreal 2012
3. Montreal 2011
4. Montreal 2011
5. Foliage - Marble Lion mp3
6. Foliage - Marble Lion mp3
7. Les Peuples - Organ Mood mp3
8. Les Peuples - Organ Mood mp3