Author: davidrg

Miðvikudagur 28. október

Gangly og Vagina Boys koma fram á Húrra. Hurð opnar 20:00 og tónleikar hefjast 21:00. Aðgangseyrir er 1500 krónur.

Hljómsveitin múm mun spinna tónlist við þýsku kvikmyndina Menchen Am Sonntag í Mengi. Sýning og tónleikar hefjast 21:00 og aðgangseyrir er 2000 krónur.

Föstudagur 30. október

Markús & The Diversion Sessions, Sveinn og Koi koma fram á Stofunni. Ókeypis inn.

Laugardagur 31. október

Teitur Magnússon og Ojba Rasta stíga á stokk í Lucky Records. Teitur fer á svið 15:00 og Ojba Rasta klukkan 17:00. Ókeypis inn og léttar veitingar í boði.

Big Band Samúels Jóns Samúelssonar kemur fram í Bæjarbíói í Hafnarfirði. Þeir lofa sjóðandi heitri súper heitri rjúkandi  blöndu af afróbíti, eþjópískum jass,funk, brasílísku samba og ýmsu öðru sem sem á sér enga hliðstæðu í sólkerfinu. Tónleikar hefjast 22:00 og aðgangseyrir er 2900.

Gleðiflokkurinn Babies stendur fyrir dansiballi á Húrra Laugardaginn 24. október. Babies hafa unnið sér talsverða hylli sem eins konar ballhljómsveit tónlistargrúskarans. Spilagleðin er smitandi og lagavalið fer um víðan völl en þó með sterkri áherslu á diskó og fönk frá 8. og 9. áratugnum. Dansinn byrjar að duna 23:30 og það er fríkeypis inn. Tónleikahaldarar vilja svo koma á framfæri leiðbeinandi skilaboðum um hegðun á viðburðinum:

Leyfilegt er að leita sér að framtíðarmaka á svæðinu og ölvun skal vera viðingarlega virt sem og óspillt. Slagsmál skulu alls ekki vera stunduð og virðing við náungann í hávegum höfð. Klæðaburður er undir hverjum og einum komið en heitt mun vera á svæðinu svo munið eftir handhægum viftum eða þá vel andandi flíkum.

Fimmtudagur 8. Október

Það verða tónleikar til styrktar sýrlensku flóttafólki á Loft Hostel þar sem fram koma Úlfur Úlfur, Jón Jónsson, Milkywhale, Axel Flóvent og Hinemoa. Pallborðsumræður um stöðu flóttafólks hefst 18:45, en tónleikarnir sjálfir byrja 20:00. Það kostar 1000 krónur inn og frjáls framlög eru einnig vel þegin.

Hinn belgíski Nicolas Kunysz sem er búsettur á Íslandi spilar sveim og drón tónlist á Boston. Tónleikarnir eru hluti af microgroove tónleikaseríunni og hefjast klukkan 22:00 og það er ókeypis inn.

Tómas Manoury og Guðmundur Vignir Karlsson í Mankan koma fram í Mengi. Þeir bjóða upp á einstæða, víðómandi rafspunatónleika þar sem þeir flétta lifandi rafhljóðum og hljóðritunum saman við sínar eigin söngraddir, hljóðfæraleik og gagnvirk vídeó. Tónleikarnir byrja 21:00 og aðgangseyrir er 2000 krónur.

Föstudagur 9. október

Dikta og Friðrik Dór leiða saman hesta sína á Húrra. Miðaverð er 1500 krónur (tix.is) og leikar hefjast 22:00.

Þremenningarnir í djasstríóinu Jónsson & More koma fram í Mengi en þeir sendu nýverið frá sér sína fyrstu plötu. Aðgangseyrir er 2000 og djassinn byrjar að duna 21:00.

The Vintage Caracan blása til útgáfuteinleika vegna útgáfu plötunnar Arrival í Gamla Bíó. Miðaverð er 2900 (tix.is), húsið opnar 21:00 og rokkið hefst stundvíslega 22:00.

Laugardagur 10. október

Það verður heljarinnar rappveisla á Húrra þar sem Úlfur Úlfur, Emmsé Gauti og nýstyrnið GKR koma fram. Miðaverð er 2000 (tix.is) og dyr gleðinnar opnast 21:00.

Austfirska rokksveitin Miri er að gefa út sitt fyrsta nýja lag eftir fimm ára þögn og mun fagna því með tónleikum á Dillon. Þeir hefja leik klukkan 2:00 og það er ókeypis inn.

Kjartan Sveinsson og Skúl Sverrisson koma fram í Mengi og flytja tónlist sem á rætur að rekja til Tectonics-tónlistarhátíðarinnar 2013 þar sem þeir komu tveir saman á tónleikum í Silfurbergi. Byrjar 21:00 og kostar 2000.

Fastakvöld RVK Soundsystem fer fram á Paloma. Snúðar hljóðkerfisins byrja að spila reggí á miðnætti og það er ókeypis inn.

Sunnudagur 11. október

Hljóðlistamaðurinn, hljóðfærasmiðurinn og slagverksleikarinn Simon Berz kemur fram í Mengi og flytur hljóðverk sem á rætur að rekja til vettvangsferða hans um Ísland undanfarnar vikur. Steinar úr Húsafelli koma við sögu sem og öldugjálfur, sandfjörur og íslenskur norðangarri. Aðgangseyrir er 2000 og Simon byrjar 21:00.

Fimmtudagur 1. október

a & e sounds, russian.girls og Þóranna Björnsdóttir koma fram á tónleikum á Húrra. Tónleikarnir hefjast klukkan 21:00 og það er ókeypis inn.

Bang Gang fagna útgáfu plötunnar The Wolfes Are Whispering með tónleikum í Gamla bíói. Sérstakir gestir á tónleikunum verða JB Duncel úr frönsku sveitinni Air, Daniel Hunt úr Ladytron og Jófríður Ákadóttir úr Samaris. Gangly sjá um upphitun en miðaverð er 3500 (midi.is) og tónleikarnir byrja 20:30.

Föstudagur 2. október

Sísí Ey halda útgáfutónleika- og partý á Paloma. Sísí Ey og Vagina Boys koma fram live en plötusnúðar eins og Hercules and Love Affair, Margeir, IntroBeats og Oculus munu þeyta skífum. Aðgangseyrir er 1500 krónur (tix.is) og partýið hefst 23:00.

Ham spila í Gamla bíói en um upphitun sjá Lazyblood. Húsið opnar 20:00, Lazyblood stíga á stokk 21:00 og miðaverð er 2900 krónur (tix.is).

Breski Berlínarbúinn Sam Slater kemur fram á tónleikum í Mengi. Miðaverð er 2000 krónur og tónleikarnir byrja 21:00.

Laugardagur 3. október

Dimma heldur tvenna tónleika á Húrra. Þeir fyrri eru klukkan 16:00 og opnir öllum aldurshópum og miðaverð á þá er 1000 krónur. Þeir seinni byrja 22:00 og þá sjá Alchemia um upphitun og Dimma byrja svo um 23:00. Það kostar 2000 krónur inn á seinni tónleikana.

Kría Brekkan flytur frumsamið efni í Mengi. Tónleikarnir byrja 21:00 og aðgangseyrir er 2000 krónur.

Arnljótur og Ultraorthodox spila í plötubúðinni Lucky Records á Hverfisgötu. Tónleikarnir byrja 16:00 og kostar ekkert inn.

Sænski plötusnúðurinn Petter B kemur fram á Paloma ásamt Exos og Yamaho. Miðaverð er 1000 og djammið byrjar upp úr 23:00.

Fimmtudagur 27. ágúst

Oyama frumsýna nýtt tónlistarmyndband í Bíó Paradís og eftir sýningu þess mun sveitin svo halda tónleika á sama stað. Frumsýning myndbandsins er klukkan 17:00 og það er algjörlega ókeypis inn.

Tónlistarmaðurinn Helgi Valur kemur fram á Hlemmur Square hostelinu. Hann hefur leik klukkan 21:00 og aðgangseyrir er enginn.

Rappdúettinn Rae Sremmurd kemur fram í Laugardalshöll og um upphitun sjá Hermigervill, Retro Stefson, Hr Hnetusmjör og Friðrik Dór, Gísli Pálmi og Pell. Tónleikarnir hefjast 19:30 og aðgangseyrir er 19:30.

Milkhouse og Vára spila á Dillon. Byrjar 21:30 og ókeypis inn.

Tónskáldið og fiðluleikarinn Lilman flytur villt og romantískt verk í Mengi. Það hefst 21:00 og aðgangseyrir er 2000 krónur.

Föstudagur 28. ágúst

Jónas Sen kemur fram í Mengi og flytur nýja raftónlist úr sarpi sínum. Hann byrjar 21:00 og aðgangseyrir er 2000 krónur.

Tónlistarhátíðin Melodica Festival verður sett í kvöld en hún fer fram á Rósenberg og Loft Hostel. Dagskrá föstudagsins verður sem hér segir en aðgangseyrir á öll kvöld er einungis í formi frjálsra framlaga.

Rósenberg:

9:00pm – Svavar Knútur

9:30pm – Torben Stock (DE)

10:10pm – Bram Van Langen (NL)

11pm – Hello Piedpiper (DE)

11:50pm – Poems for Jamiro (DE)

12:40am – Spaceships are Cool (UK)

Laugardagur 29. ágúst

Hinir ægihörðu ísfirsku rokkhundar í Reykjavík! koma saman til tónleikahalds í fyrsta skipti í rúmlega þrjú ár. Þeim til halds og trausts verða Börn, Lommi, Bent og Arnljótur. Þessi heljarinnar sturlun hefst klukkan 21:00 á sjálfum Kaffibarnum og ljóst að færri komast að en vilja. Straumur verður á staðnum.

Tónskáldið Áki Ásgeirsson flytur valin raftónlistarverk. Byrjar 21:00 og aðganseyrir 2000 krónur.

Melodica Festival heldur áfram en þetta kvöld og dagskráin er eftirfarandi:

Loft Hostel:

4:00pm – Eggert Einer Nielson

4:40pm – Rebekka Sif

5:20pm – Sveinn Guðmundsson

6:00pm – Mantra

6:40pm – Helgi Valur

7:20pm – Torben Stock (DE)

8:00pm – Hello Piedpiper (DE)

8:40pm – Poems for Jamiro (DE)

Rósenberg:

9:30pm – Lori Kelley (US)

10:10pm – Meadows Ever Bleeding (SE)

11:00pm – Ava (NO)

11:50pm – Charlie Rauh (US)

12:30am – Hemúllinn

Sunnudagur 30. ágúst

Lokakvöld Melodica festival er haldið á Loft Hostel og dagskráin er eftirfarandi:

4:00pm – Friday Night Idols

4:40pm – Anna Helga

5:20pm – Simon Vestarr

6:00pm – One Bad Day

6:40pm – Owls of the Swamp (AU)

7:20pm – Næmi

8:00pm – Insol

8:40pm – Hinemoa

9:20pm – Meadows Ever Bleeding (SE)

10:00pm – Myrra Ros