Straumur 15 ára

Útvarpsþátturinn Straumur á X-inu 977 í umsjón Óla Dóra fagnar á morgun 15 ára afmæli. Þátturinn hóf göngu sína 26. janúar árið 2006 á XFM 91.9.  Þátturinn var á dagskrá á þeirri stöð þar til hún lokaði í byrjun árs 2007, þá fluttist þátturinn á Reykjavík FM 101.1 og var þar til 2008 þegar sú stöð lokaði einnig. Það var svo haustið 2009 sem þátturinn byrjaði á X-inu 977 þar sem hann hefur verið á dagskrá síðan. Frá 2006 hafa 570 þættir farið í loftið.

Á þessum 15 árum hefur Straumur sérhæft sig í alhliða tónlistarumfjöllun, fengið í heimsókn helstu tónlistarmenn Íslands auk þess að hafa tekið viðtöl við erlenda tónlistarmenn á borð við Japandroids, Swans, Mac Demarco, Yo La Tengo, Jon Hopkins, !!!, Grizzly Bear, Chromeo, Dan Deacon, Wolf Parade, Klaxons, Franz Ferdinand, Dirty Beaches, Cut Copy, Dirty Projectors og marga fleiri. Þátturinn er á dagskrá á X-inu öll mánudagskvöld frá 22:00 til 23:00.

Leave a Reply

Your email address will not be published. Required fields are marked *