Í dag kemur út platan Talent með Heavenly Beat. Um er að ræða fyrstu plötu, hliðarverkefnis bassaleikara Beach Fossils, John Peña. Þetta er annað hliðarverkefnið úr hópi Beach Fossils sem gefur út plötu á þessu ári en stutt er síðan gítarleikari hljómsveitarinnar Zachary Cole Smith gaf út plötu með hljómsveit sinni DIIV. Hægt er að hlusta á plötuna fyrir neðan.
Í síðustu viku sendi London sveitin The xx frá sér fyrsta lagið af annari plötu sinni Coexist, sem tónlistaráhugamenn hafa beðið eftir með mikilli eftirvæntingu. Lagið heitir Angels og hefur nú verið endurhljóðblandað af Mirrors. Hægt er að hlusta á það hér fyrir neðan.
Samnefnd Ep plata frá tvíeykinu TNGHT lenti í plötubúðum í dag. Verkefnið samanstendur af upptökustjórunum Hudson Mohawke og Lunice. Platan er fimm laga og á henni blanda þeir saman hip hop töktum við alls kyns tegundir elektrónískar tónlistar. Þeir hafa unnið hvor í sínu horni undanfarið með hinum ýmsu listamönnum líkt og Diplo og Kanye West. Hægt er að hlusta á annað lag plötunnar Goooo hér fyrir neðan.
MP3:
1) Only In My Dreams – Ariel Pink’s Haunted Graffiti
2)
3) Angels (Mirrors remix) – The xx
4) Hey You – Tyler, The Creator & Toro Y Moi
5) A Great Design – Black Marble
6) Laura – Bat For Lashes
7) Gloss – SBTRKT
8) Mature Themes – Ariel Pink’s Haunted Graffiti
9) Driftwood – Ariel Pink’s Haunted Graffiti
10) Live it up – Ariel Pink’s Haunted Graffiti
11) Only Heather – Wild Nothing
12) This Chain Won’t Break – Wild Nothing
13) Disappear Always – Wild Nothing
14) The Blue Dress – Wild Nothing
15) The Man Who Can – Best Fwends
16) Milky Way – Roland Way
17) Top Floor – TNGHT
18) Goooo – TNGHT
19) Higher Ground – TNGHT
20) Adani – The Very Best
21) Faithless – Heavenly Beat
22)
23) Tradition – Heavenly Beat
24) Presence – Heavenly Beat
25) Purple – California Wives
26) Moonligtht Mile – The Babies
27) Endless Ladder – The Antlers
28)
Bat for Lashes sendi frá sér lagið Laura í dag. Lagið verður á væntanlegri plötu hennar – The Haunted Man sem kemur út þann 15. október næstkomandi. Platan fylgir á eftir plötunni Two Suns frá árinu 2009. Hlustið á lagið hér fyrir neðan:
Danska „shoegaze“ dúóið The Raveonettes sendu í dag frá sér myndband við sitt nýjasta lag – She Owns The Streets, sem verður að finna á væntanlegri plötu sveitarinnar – Observator sem kemur út 11. september á þessu ári. Myndbandið er tekið upp á gamalli myndbandsupptökuvél og sýnir stúlku dansa frjálslega um götur New York borgar.
Tónlistarmaðurinn Beck samdi þrjú lög fyrir tölvuleikinn Sound Shapes sem kemur út fyrir PlayStation 3 og PlayStation Vita 7. ágúst næstkomandi. Lögin, sem verða í mismunandi borðum í leiknum, heita Cities, Touch the People og Spiral Staircase. Fyrir neðan er hægt að sjá stiklu fyrir leikinn þar sem lagið Cities heyrist.
Í dag er ár frá því að sönkonan Amy Winehouse lést á heimili sínu í Camden hverfinu í London, aðeins 27 ára gömul. Í desember síðastliðnum kom út safnplatan Lioness: Hidden Treasures, sem fór beint á topp breska vinsældarlistans. Platan verður seint talin með bestu verkum Winehouse, en þrátt fyrir það hefur faðir hennar Mitch tilkynnt um að minnsta kosti tvær plötur til viðbótar séu á leiðinni. Það stefnir allt í það að svipað sé að gerast með Winehouse og gerst hefur með rapparann Tupac, sem þrátt fyrir að hafa látist 1996, er enn að gefa út plötur og “koma fram” á tónleikum.
Texas bandið Best Fwends gáfu út nýtt lag – The Man Who Can á Soundcloud í dag. Sveitin spilaði á Iceland Airwaves 2007 en ekki hefur mikið farið fyrir henni síðan þá. Hægt er að hlusta á lagið fyrir neðan og viðtal sem við tókum við Best Fwends árið 2007.
Viðtal í Straumi árið 2007:
Tónlistarmaðurinn Jack Tatum, sem gefur út tónlist undir nafninu Wild Nothing, mun fylgja eftir hinni frábæru plötu Gemini frá árinu 2010 með sinni annari plötu Nocturne, þann 27. ágúst næstkomandi. Fyrsta smáskífan – Shadow kom út þann 26. júní. Hinn draumkennda hljóm Gemini er einnig að finna á Nocturne. Fyrir neðan er hægt að hlusta á lögin This Chain Won’t Break og Only Heather.
