Tónleikahelgin 31. mars – 2. apríl

Fimmtudagur 31. mars

 

Það verða styrktartónleikar á Húrra fyrir Palla, Dóra og Rós sem misstu aleiguna í brunanum á Grettisgötu fyrr í mánuðinum. Húsið opnar 20:30 og fram koma Seabear, Mamút, Singapore Sling og Serengeti. Miðverð er 2000 krónur.

 

Tónlistarmaðurinn Arnljótur kemur fram á Hlemmi Square, byrjar að spila klukkan 9 og aðgangur er ókeypis.

 

Ensku listamennirnir James Birchall og Sarah Faraday koma fram í Mengi þar sem saman renna vettvangshljóðritanir James frá Íslandi og myndskeið Söru frá þeim stöðum þar sem hljóðin voru fönguð. Byrjar 21:00 og aðgangseyrir 2000 krónur.

 

Föstudagur 1. apríl

 

Auður og DJ Flugvél og Geimskip koma fram í Bryggjunni Brugghús á Grandagarði 8. Tónleikarnir hefjast upp úr 8 en einnig verður boðið upp á smakk á nýjum IPA bjór sem er samstarfsverkefni Reykjavík Grapevine og Bryggjunnar.

 

Shahzad Ismaily og Gyða Valtýsdóttir koma fram í Mengi. Tónleikar hefjast 21:00 og aðgangseyrir er 2000 krónur.

 

Laugardagur 2. Apríl

 

Í Mengi mun klukkan 17:00 mun hljóðinnsetning Þórönnu Björnsdóttur, Tónlist fyrir létt og þungt andrúmsloft, óma í Mengi en innsetninguna, sem er innblásin af veðurskilum á Íslandi, vann Þóranna í samstarfi við Nicolas Kunysz og Veðurstofu Íslands. Aðgangur er ókeypis.

 

Í tilefni af ársafmæli Free The Nipple byltingarinnar verður slegið upp partý og dansleik á Húrra. Fjörið hefst 20:00 en fram koma Sykur, Boogie Trouble og DJ Sunna Ben. Ókeypis inn og allir velkomnir.

 

MC Bjór og Bland, Hjalti Jón og Big Mint koma fram á Dillon. Tónleikarnir byrja á slaginu 22:30 og aðgangur er ókeypis.

 

Fyrsta undankvöld Músíktilrauna fer fram í Norðurljósasal Hörpu. Miðaverð er 1500 og kvöldið hefst 19:30.

 

Blár apríl, styrktartónleikar fyrir börn með einhverfu verða haldnir í Gamla Bíói. Fram koma Valdimar, Hjálmar og Júníus Meyvatn, tónleikarnir hefjast 20:00 og aðgangseyrir er frá 3900 til 5900 eftir staðsetningu.

 

Þungarokksveitin Cephalic Carnage kemur fram á Gauknum ásamt Beneath, Severed, Hubris, Logn og Urðun. Hefst 21:00 og aðgangseyrir er 4000 krónur.

Tónleikahelgin 23. – 27. mars 2016

Miðvikudagur 23. mars

Hinn margrómaði raftónlistarmaður og plötusnúður Lovebirds kemur fram á efrihæð Palóma. Ásamt honum koma Formaðurinn og KrBear fram en það kostar 2000 kr inn.

 

Söngvarinn og lagahöfundurinn Chris Cornell, flytur tónlist af öllum ferlinum og nýju plötunni sinni, Higher Truth, í Eldborgarsal Hörpu klukkan 20:00 í kvöld.
Verðsvæði eru sem hér segir:
Úrvalssæti: 14.990 kr.
Verðsvæði 1: 12.990 kr.
Verðsvæði 2: 9.990 kr.
Verðsvæði 3: 7.990 kr.

 

Lily of the Valley, Johnny & The Rest & Mosi Musik halda tónleika á Húrra. Það kostar 1000 kr inn og hefjast tónleikarnir klukkan 20:00

 

Hljómsveitin Stafrænn Hákon hefur nú gefið út sína 9. breiðskífu. Af því tilefni mun sveitin efna til útgáfutónleika í Tjarnarbíó kl. 21:00 og fagna útgáfu breiðskífunnar. Aðgangseyrir er 2.500 kr.

 

Hljómsveitin Vök kemur fram ásamt þýska bandin Vsitor á Kex Hostel klukkan 21:00. Það er ókeypis inn.

 

Kristín Anna Valtýsdóttir kemur fram í Mengi klukkan 21:00. Það kostar 2000 kr inn.

 

Fimmtudagur 24. mars

 

Hljómsveitin Dauðyflin heldur upp á útgáfu nýrrar kassettu á Dillon. Tónleikarnir hefjast klukkan 22:00 og ásamt þeim koma fram: Kælan Mikla, World Narcosis og Grafir. Það er frítt inn.

 

Laugardagur 26. mars

 

FM Belfast og Emmsjé Gauti bjóða í partí á Húrra. Húsið opnar klukkan 21.00. Emmsjé byrjar og FM klárar! Það kostar 2000 kr inn.

 

Sunnudagur 27. mars

Par-Ðar og Lucy in Blue koma fram á Hurra. Tónleikarnir hefjast klukkan 21:00 og það kostar 1500 kr inn.

Straumur 21. mars 2016

Í Straumi í kvöld verður fjallað um nýtt efni frá Japanese Breakfast, Mourn, The Range, Young Franco, Leon Vynehall, Spítala og mörgum fleirum. Straumur með Óla Dóra í kvöld klukkan 23:00 á X-inu 977.

1) You – Spítali
2) Woman That Loves You – Japanese Breakfast
3) Everybody Wants to Love You – Japanese Breakfast
4) Evil Dead – Mourn
5) Pirates (Lokatt remix) – Missincat
6) Drop Your Love (ft. Dirty Radio) – Young Franco
7) In The Force – Ariel Pink & Puro Instinct
8) Skeptical – The Range
9) Regular – The Range
10) Retune – The Range
11) Gold – Leon Vynehall
12) Elodie – Ten Fé

Tónleikar helgarinnar 17.-19. mars

Fimmtudagur 17. mars

 

Baráttutónleikar UNICEF verða haldnir á Kex Hostel. Fram koma Amaba Dama, Sóley, DJ Flugvél og Geimskip, Kött Grá Pé, Milky Whale og Úlfur Úlfur. Tónleikarnir standa yfir frá 17:30 til 23:00 og miðaverð er 1500 krónur sem rennur til barnungra fórnarlamba stríðsins í Sýrlandi.

 

Berlínska hljómsveitin Wonkers kemur fram á Húrra. Um upphitun sjá Auður og Ásdís. Aðgangur er ókeypis og tónleikarnir byrja 21:00.

 

Tónlistarmennirnir Maria Bay Bechmann og Julius Rothlaender, sem saman skipa dúettinn VIL, koma fram í Mengi. Aðgangseyrir er 2000 krónur og tónleikanir byrja 21:00.

 

FALK félagsskapurinn heldur tónleika á Dillon með breskum tónlistarmanni að nafni AGATHA. Um upphitun sjá AMFJ og Nicolas Kunysz. Tónleikarnir hefjast á slaginu 21:30 og það kostar 500 kr inn.

 

Föstudagur 18. mars

 

Svartmálmshljómsveitin Misþyrming og þungarokksgrallararnir í Muck koma fram á tónleikum The Reykjavík Grapevine á Húrra. Tónleikarnir byrja 21:00 og aðgangseyrir er 2000 krónur.

 

Tónleikamyndin Stop Making Sense verður sýnd í Bíó Paradís klukkan 20:00. 

 

Laugardagur 19. mars

 

Tónlistarmaðurinn Earth hour spilar á Loft Hostel. Hefst 21:00 og ókeypis inn.

 

 

 

Myndbands frumsýning: You – Spítali

Tónlistarmennirnir Halldór Ragnarsson og Sindri Már Sigfússon, sem áður voru saman í hljómsveitinni Seabear, voru að senda frá glænýtt lag í dag að nafninu You og koma þar með nýju verkefni á laggirnar sem nefnist Spítali. Félagarnir byrjuðu að eigin sögn að krukka í hústónlist saman í vetur og er lagið You fyrsti afraksturinn af því samstarfi. Lagið var hljóðblandað af Friðfinni Oculus ásamt hljómsveitarmeðlimum og masterað af Friðfinni. Straumur frumsýnir hér myndbandið við lagið sem gert var af Mána M. Sigfússyni. Um er að ræða einstaklega vandað húslag með rómantískum blæ og er myndbandið til fyrirmyndar. Það verður áhugavert að fylgast framtíð Spítalans.

Stop Making Sense í Bíó Paradís föstudaginn 18. mars

Tónleikamyndin Stop Making Sense verður sýnd í Bíó Paradís föstudagskvöldið 18. mars klukkan 20:00. Myndin er frá árinu 1984 en þar er fylgst með hljómsveitinni Talking Heads á tónleikum í Hollywood’s Pantages Theater í desember árið 1983. Myndinni var leikstýrt af Jonathan Demme (The Silence of the Lambs, Philadelphia) og er talin ein allra besta tónleikamynd sögunnar. Demme hefur tekist að fanga töfra, kraft, fjölbreytni og hugmyndaflug tónlistarinnar með eindæmum vel á filmuna. Upptakan óaðfinnanleg og kvikmyndatakan lífleg, litrík og stílíseruð, eins og tónsmíðar Byrnes. Lögin duna í eyrum hvert á eftir öðru; This must be the place, Once in a Lifetime, Psycho Killer og ein 15 til viðbótar

Stop Making Sense er sýnd á hátíðum og í bíósölum útum allan heim og er stemmingin sem myndast svo mögnuð að upplifunin kemst næst tónleikum sveitarinnar þegar hún var upp sitt besta á 9. áratug síðustu aldar. Hljómsveitin Grísalappalísa mun sjá um að dj-a tónlist í anda hljómsveitarinnar strax að lokinni sýningu. Miðar í forsölu á tix.is á aðeins 1400 kr.

FALK kynnir: The Dawn of the New flesh

Í kvöld fimmtudaginn 17. Mars mun FALK félagsskapurinn halda tónleika á Dillon með breskum tónlistarmanni að nafni AGATHA. Um upphitun sjá AMFJ og Nicolas Kunysz. Tónleikarnir hefjast á slaginu 21:30 og það kostar 500 kr inn. AGATHA er nýtt einstaklingsverkefni Harry Wright en hann hefur verið virkur innan raftónlistarsenunnar í Bristol, Bretlandi um langt skeið, meðal annars með hljómsveitinni THE NATURALS og GIANT SWAN dúettinum sem tímaritið The Quietus hefur hampað í ræðu og riti.

Þessir tónleikar eru skipulagðir af íslenska tónlistar og listahópnum FALK (Fuck Art Let’s Kill), sem hafa síðan 2007 staðið fyrir mígrút ágengra list og tónlistarviðburða og útgáfu listamanna á borð við AMFJ, KRAKKKBOT, AUXPAN, OBERDADA VON BRUTAL, ULTRAORTHODOX, HARRY KNUCKLES og K. FENRIR sem og flutt inn tónlistarmenn eins og PYE CORNER AUDIO, HACKER FARM, GRUMBLING FUR og CONTAINER.

Útidúr gefa út Bila-St.Æðin

Hljómsveitin Útidúr fagnar útgáfu á sinni þriðju breiðskífu, Bila-St.Æðin, í Bíó Paradís klukkan 17:00 í dag. Platan hefur verið í vinnslu síðustu þrjú ár og tekin upp að hluta til í Sundlauginni en mestmegnis af hljómsveitinni sjálfri ásamt Kára Einarssyni í hljóðveri hans. Tónlist plötunnar fer út um víðan völl og blandar saman áhrifum allt frá klassískri yfir í indverska og austur-evrópska tónlist. Útkoman er blanda af taktdrifnum lögum með melódíum sem fljóta yfir íburðarmikinn hljóm alls kyns strengja- og blásturshljóðfæra.

 

Útgáfan er með óhefðbundnu sniði en í stað geisladisks hefur hljómsveitin útbúið bókverk sem inniheldur niðurhalskóða með plötunni, hannað af Gunnari Erni Egilssyni. Platan verður spiluð í heild sinni í bíósal á slaginu 17:00 en í Bíó Paradís verður einnig boðið upp á léttar veitingar og platan/bókverið verður til sölu á tilboðsverði.

Hér að neðan má horfa á glænýtt myndband við Ennio, eitt laga plötunnar.

ATP tilkynnir fleiri nöfn listamanna sem spila á tónlistarhátíðinni

Tónlistarhátíðin ATP á Íslandi tilkynnir nú í þriðja sinn nöfn listamanna sem spila á tónlistarhátíðinni á Ásbrú dagana 1. til 3. júlí 2016.

Hið áhrifamikla tríó frá Ástralíu, Dirty Three, hefur boðað komu sína, tilraunasveitin  This Is Not This Heat lætur til sín taka, alþjóðlega stórstjarnan Omar Souleyman mætir til leiks og sveitin Suuns kemur frá Montreal. Einnig koma fram íslensku sveitirnar Valdimar, Kimono og Muck ásamt fleiri framúrskarandi listamönnum og hljómsveitum. Kvikmyndatónskáldin Claudio Simonetti (Goblin) og Fabio Frizzi mæta til leiks við hlið meistara John Carpenter á ATP á Íslandi þar sem boðið verður upp á ískyggilega spennandi og magnþrungna kvikmyndatónlist í hæsta gæðaflokki.