Dream Central Station sjónvarpsviðtal

Við hittum þau Hallberg Daða Hallbergsson og Elsu Maríu Blöndal forsprakka hljómsveitarinnar Dream Central Station á heimili Hallbergs fyrir stuttu. Hallberg var áður í hljómsveitinni Jakobínarína og Elsa María í Go-Go Darkness. Þau tóku órafmagnaða útgáfu af einu lagi og sögðu okkur m.a. frá  sögu sveitarinnar, Berlín og tónleikahaldi hér á landi.

Útgáfutónleikar My Bubba & Mi

Nýkántrí hljómsveitin My Bubba & Mi mun halda tvenna útgáfutónleika vegna útgáfu plötunnar Wild & You, sem kom út á vegum Kimi Records fyrir stuttu. Þeir fyrri verða á Græna Hattinum fimmtudaginn 30. ágúst kl. 21 og þeir seinni í Norræna húsinu laugardaginn 1. september kl. 21. Tónlistarkonan Sóley mun koma fram með My Bubba & Mi á báðum tónleikum.

Wild & You er stuttskífa og inniheldur 5 lög eftir þær My Larsdotter frá Svíþjóð og Guðbjörgu Tómasdóttur frá Íslandi. Þær hafa starfað saman sem My Bubba & Mi undanfarin 4 ár og hafa áður gefið út breiðskífuna How It’s Done in Italy. Hlustið á lagið Wild & You hér fyrir neðan.

First Aid Kit heiðra Paul Simon

Bandaríski tónlistarmaðurinn Paul Simon hlaut ásamt landa sínum sellóleikaranum Yo-Yo Ma hin eftirsóttu Polar- tónlistarverðlaun við hátíðlega athöfn í Svíþjóð í gær, en það er Konunglega Sænska Tónlistarakademían sem stendur fyrir verðlaununum. Fengu þeir hvor um sig 1 milljón sænskra króna í verðlaunafé.

Á athöfninni sungu sænsku systurnar úr First Aid Kit – Simon and Garfunkel lagið America til heiðurs Simon sem var staddur í salnum. Í fyrra sungu þær Patti Smith lagið Dancing Barefoot til heiðurs Smith við sama tilefni og mátti sjá tár renna niður kinnar hennar þegar hún fylgdist með flutningi systranna.

Polar-tónlistarverðlaunin voru fyrst afhent árið 1989 fyrir tilstilli Stig Anderson, umboðsmanns sænsku hljómsveitarinnar ABBA, og var Paul McCartney fyrstur til að hljóta þau. Fyrir neðan er hægt að horfa á First Aid Kit heiðra bæði Simon og Smith.

 

Lagalisti Vikunnar – Straumur 216

1. hluti

      1. Straumur 216 #1

2. hluti

      2. Straumur 216 #2

3. hluti

      3. Straumur 216 #3

4. hluti

      4. Straumur 216 #4

1) Today Is Supernatural – Animal Collective
2) Andreja 4-ever – Elite Gymnastics
3) Proceed To Memory – Pinpack
4) Tomorrow – Future Islands
5) Your Drums, Your Love – AlunaGeorge
6) Up To Infinity – …And You Will Know Us By The Trail Of Dead
7) Moonjock – Animal Collective
8) Applesauce – Animal Collective
9) Wide Eyed – Animal Collective
10) Father Time – Animal Collective
11) Only Heather – Wild Nothing
12) Fiction – The xx
13) Try – The xx
14) Sunset – The xx
15) New love – Southern Shore
16) All Night Long – Matthewdavid
17) DI  – Two Step Horror
18) Flood’s New Light – The Oh Sees
19) Putrifiers II – The Oh Sees
20) Almost Fare – Dinosaur Jr.
21) Fetch – Les Sins
22) New Patterns – The Sea and Cake
23) Mercury Man – Animal Collective

Smáskífa frá Elite Gymnastics

Bandaríska elektró hljómsveitin Elite Gymnastics sendi í dag frá sér smáskífuna Andreja 4-Ever. Hljómsveitin sem áður var samstarf þeirra James Brooks og Josh Clancy, er nú einstaklingsverkefni Brooks eftir að sá síðarnefndi hætti í hljómsveitinni fyrr í þessum mánuði. Hlaðið laginu niður hér fyrir neðan.

 

      1. 11 Andreja 4-Ever

mp3 

      2. Andreja 4-Ever

Major Lazer í Kaupmannahöfn – tónleikadómur

Fyrir þá sem ekki vita er ”Major Lazer” hugarfóstur DJ/pródúseranna Diplo og Switch, sem kynntust eftir samstarf þeirra og M.I.A. Sá síðarnefndi yfirgaf þó”projectið” seint á seinasta ári sökum listræns ágreinings og í stað hans kom inn DJ/pródúserinn Jillionaire.

Með á sviðinu á Store Vega voru 2 hermannaklæddir dansarar sem og einn vel upp hýpaður Mc sem kunni svo sannarlega að stýra fólki í party-gírinn líkt og um  strengjabrúður væru að ræða.

Þegar einungis 10 mínútur  voru liðnar af settinu klæddi Diplo sig í uppblásna plastkúlu og danaði ofan á áhorfendum  í  dágóða stund. Þegar Majorinn var á 5 eða 6 lagi var keyrslan orðin gríðaleg og hélt hann fólki á tánum frá upphafi til enda. Af þeim klúbba kvöldum sem ég hef verið á Íslandi eða annarsstaðar í evrópu, hef ég aldrei upplifað jafn mikinn bassa á einu kvöldi, það má með sanni segja að gríðalega danzveisla hafi átt sér stað.

Mér fannst það einkenna svolítið tónleikana að Diplo kláraði ekki helming laga sinna. Fyrstu 40 mínúturnar spilaði hann lagabúta frá 0:30-1:30 mínútur sem ég persónulega sé sem frekar stóran mínus, þar sem flest af þessum lögum eru heldur góð danzilög ein og sér, en fólkið í salnum var greinilega ekki sammála mér.

Á Major Lazer tónleikum ríkir engin ein tónlistarstefna, kraftmikil dancehall tónlist í bland við taktfast tæknó sem og fusion reggae, hip hop, house og fleira. Diplo veigraði sér heldur ekki við því að remix-a aðra listamenn og gerði það mjög vel á köflum, helst ber þar að nefna Beastie Boy’s hittarann ”Intergalactic”, ”Day and Nite” með Kid Cudi, ”One Love” með Bob Marley og síðazt en ekki sízt Snoop Dogg smellinn ”Drop it like it’s hot” nema hvað að í Major Lazer útgáfunni syngur Snoop textann eitthvað á þessa leið; ”Major Lazer’s in the crip ’ma, drop it like it´s hot”. ”Úr að ofan, úr að ofan, allir úr”, glumdi í strengjabrúðuleikaranum knáa sem svo sannarlega var ekki að gera þetta í fyrsta sinn.

Allir sem einn héldu vel blautum bolunum á lofti og þeyttu þeim hring eftir hring. Það má með sanni segja að Diplo og félagar kunni einstakt lag á fólki og verður það ekki af þeim tekið, ókrýndur konungur partýs-ins um ókomna tíð. Þegar upp er staðið heppnaðist kvöldið mjög vel, fólk skemmti sér eins og það bezt gat, en það vantaði helminginn af lögunum sem var synd!

 Hjalti Heiðar Jónsson

Myndband frá Major Lazer

Major Lazer sem gefa út plötuna Free The Universe þann 6. nóvember sendu í dag frá sér myndband við lagið Get Free, sem var sumarlag Straums þetta árið. Í myndbandinu sést fólk dansa og skemmta sér og koma bæði Diplo og söngkonan Amber Coffman sem syngur í laginu fram í því. Horfið á það hér fyrir neðan.

 

Trail of Dead með nýja plötu

Austin rokkararnir í …And You Will Know Us By The Trail Of Dead gefa út sína 8. plötu – Lost Songs 22. október næstkomandi. Hljómsveitin sendi frá sér fyrsta lagið af plötunni í dag sem nefnist Up To Infinity og er tileinkað rússnesku hljómsveitinni Pussy Riot sem nýlega voru dæmdar í 2 ára fangelsi. Hlustið á lagið hér fyrir neðan.

Prince Rama spila í Reykjavík

Bandaríska grasrótar- sækadelíusveitin Prince Rama mun spila á Faktorý föstudaginn 24. ágúst næstkomandi.
 Prince Rama er skipuð systrunum Taraka og Nimai Larson sem voru aldar upp í Hare Krishna kommúnu í Florida og skólaðar í School of Museum of Visual Art í Boston. Í dag búa systurnar  í Brooklyn og hafa alls sent frá sér 4 breiðskífur. Sú síðasta, Trust Now, sem kom út í fyrra var gefin út af Paw Tracks útgáfunni sem er í eigu Animal CollectiveSysturnar gefa út plötuna Top 10 Hits Of The End Of The World þann 6. nóvember næstkomandi

Kría Brekkan, sem áður var í hljómsveitinni múm, mætir með föruneyti og hitar upp samkomuna. Hægt er að nálgast miða á midi.is: http://midi.is/tonleikar/1/7177 og í verslunum Brim á Laugavegi og í Kringlunni, miðaverð er 1500 kr. Húsið opnar kl 22:00 og hefjast tónleikarnir  kl 23:00 en það er Gogo Yoko sem stendur að þeim. Hlustið á lagið So Destroyed af væntanlegri plötu hér fyrir neðan.