Author: olidori

Straumur 15. apríl 2013

Í Straumi í kvöld skoðum við væntanlegar plötur frá  Major Lazer, Deerhunter, Charli XCX, Young Galaxy auk þess sem við kíkjum á dularfulla plötu frá Jai Paul. Straumur með Óla Dóra í kvöld á X-inu 977 frá 23:00.

Straumur 15. apríl 2013 by Olidori on Mixcloud

1) Jessica (ft. Ezra Koenig) – Major Lazer
2) Track 2 – Jai Paul
3) Track 3 – Jai Paul
4) Crush (Jennifer Page cover) – Jai Paul
5) Track 10 – Jai Paul
6) You’re No Good (ft. Santigold, Vybz Kartel, Danielle Haim & Yasmin) – Major Lazer
7) Scare Me (ft. Peaches & Timberlee) – Major Lazer
8) Reach for the Stars (ft. Wyclef Jean) – Major Lazer
9) Brazil – Gold Panda
10) Bragðarefir – Prins Póló
11) What I Like – Charli XCX
12) Black Roses – Charli XCX
13) Lock You Up – Charli XCX
14) Sleepwalking – Deerhunter
15) Dream Captain – Deerhunter
16) Toe Cutter / Thumb Buster – Thee Oh Sees
17) Sleepwaking with me – Young Galaxy
18) Sacrilege (Tommie Sunshine & Live City remix) – Yeah Yeah Yeahs
19) Nitebike – Deerhunter

Tilkynnt um fleiri listamenn á Iceland Airwaves

Iceland Airwaves tónlistarhátíðin tilkynnti fyrr í dag um yfir  20 listamenn sem munu koma fram á hátíðinni dagana 30. október til 3. nóvember á þessu ári. Þeir erlendu listamenn sem tilkynntir voru eru; AlunaGeorge, Zola Jesus, Robert Foster, Mariam The Believer, On An On, DIANA og Stealing Sheep. Þeir íslensku listamenn sem bættust í hópinn eru; Mammút, Pedro Pilatus, Muck, Grísalappalísa, Vök, In The Company Of Men, Aragrúi, Reptilicus, Rúnar Magnússon, Jónas Sen, Þóranna Dögg Björnsdótir/Trouble, Björk Viggósdóttir/Lala Alaska og AMFJ.

Straumur 8. apríl 2013

Í Straumi í kvöld heyrum við nýtt efni með Kurt Vile, James Blake, Yeah Yeah Yeahs, Útidúr, Machinedrum, The Knife, Grísalappalísa mörgum öðrum. Straumur með Óla Dóra í kvöld frá 23:00 á X-inu 977!

Straumur 8. apríl 2013 by Olidori on Mixcloud

1) Mosquito – Yeah Yeah Yeahs
2) Slave – Yeah Yeah Yeahs
3) Take a Fall For Me (ft. RZA) – James Blake
4) Life Round Here – James Blake
5) Clissold VIP – James Blake
6) Networking – The Knife
7) Arcylics – TNGHT
8) KV Crimes – Kurt Vile
9) Was All Talk – Kurt Vile
10) Never Run Away – Kurt Vile
11) Pure Pain – Kurt Vile
12) Lóan er komin – Grísalappalísa
13) Maelstrom – Útidúr
14) Bumblebee – Útidúr
15) I Think We’ve Go A Problem – Reversing Falls
16) Despair – Yeah Yeah Yeahs

Tónleikar helgarinnar 4. – 6. apríl

 

Fimmtudagur 4. apríl:

Á Kex Hostel mun Grísalappalísa gefa áhugasömum formsmekk af nýrri plötu. Tónleikarnir hefjast klukkan 21:00

Hljómsveitirnar Legend, Muck og Japam slá til tónleikaveislu á Volta Tryggvagötu 22. Húsið opnar klukkan 21:00 og byrja tónleikarnir stuttu eftir það. Miðaverð er 1000 kr. 

Agent Fresco og Kiriyama Family halda tónleika á efri hæðinni á Faktorý. Tónleikarnir hefjast klukkan 22:00 og kostar 1500 kr inn.

 

Föstudagur 5. apríl 

Plötuverslunin 12 Tónar fagnar nú 15 ára afmæli sínu. Af því tilefni verður opið hús á Skólavörðustíg 15 næstkomandi föstudag, 5. apríl á milli 17 og 19. Hljómsveitin Rökkurró mun leika nokkur lög fyrir gesti og gangandi. Boðið verður uppá veitingar að hætti hússins og eru allir vinir, velunnarar og viðskiptamenn 12 Tóna hjartanlega velkomnir.

Hljómsveitirnar Babies og Beatless leiða sama hesta sína með hjartslætti og rythma svo að allir geti farið dansandi inn í helgina á Faktory. Beatless hefja tónleikana kl 23:00 og Babies spila uppúr miðnætti. Miðaverð er 1000 kr. 

Skúli hinn mennski heldur tónleika á Rósenberg ásamt Þungri byrði. Tónleikarnir klukkan 22:00. Verðið er ákkúrat mátulegt eða 1500 krónur á mann og ofbeldi ógildir miðann.

 

Laugardagur 6. apríl

VORVINIR 2013: Í tilefni af væntanlegri plötuútgáfu hefur hljómsveitin Mammút ákveðið að blása til heljarinnar söfnunartónleika svo hægt sé að klára plötuna með stæl. Uppáhaldshljómsveitir Mammút voru svo yndislegar að leggja bandinu lið og eru þar samankomnar helstu kanónur og snillingar tónlistarsenunnar í dag. Ásamt Mammút munu OJba Rasta, Samaris og Oyama koma fram. Húsið (efri hæð Faktorý) opnar kl 21 og tónleikarnir hefjast STUNDVÍSLEGA kl 22. Miðaverð er 1500 kr. 

Tónlistarmaðurinn Jón Þór mun heiðra tónleikagesti á Bar 11 með nærveru sinni og flytja þar lög af sinni fyrsti breiðskífu, Sérðu mig í lit. Húsið opnar klukkan 21:00 og er aðgangur ókeypis.

Viðtal við Giorgio Moroder um samstarf hans við Daft Punk

Nýju Daft Punk plötunnar hefur verið beðið með mikilli eftirvæntingu og var um daginn settur útgáfudagur á gripinn, 21. maí. Þá var jafnframt tilkynnt um titilinn sem er Random Access Memories og umslag plötunnar. Nú hafa Daft Punk liðar sett á netið viðtal við upptökustjórann fræga Giorgio Moroder um samstarfið við þá á plötunni, hægt er að horfa á viðtalið hér fyrir neðan.

 

Andrew W.K. spilar með Marky Ramone

Hinn skemmtanaglaði gleðirokkari Andrew W.K. mun í maí halda á stað í tónleikaferðalag ásamt hljómsveit Marky Ramone fyrrum trommara Ramones. Andrew W.K. mun þar syngja fræg Ramones lög með Marky Ramone’s Blitzkrieg. Marky Ramone var annar trommari Ramones og trommaði með sveitinni frá 1978 til 1983 og 1987 til 1996. Hér fyrir neðan má sjá lista yfir tónleika Marky Ramone’s Blitzkrieg á þessu ári og myndband af Marky spila ásamt Ramones á loka tónleikum þeirra árið 1996. 

05-03 New York, NY – Santos Party House
05-09 Novi Sad, Serbia – TRG Slobode
05-10 Rome, Italy – Crossroads Live
05-11 Zaragoza, Spain – Actitude Rock Festival
05-12 Valencia, Spain – Rock City
05-14 St. Petersburg, Russia – ClubZal
05-15 Ekaterimburg, Russia – Tele-Club
05-16 Moscow, Russia – 16 Tons
06-30 Helsinki, Finland – The Circus
07-05 Barcelona, Spain – Sala Razzmatazz
07-07 Attica, Greece – Rockwave Festival
07-19 Altes Lager, Germany – Motorcycle Jamboree
10-02 Washington, DC – 9:30 Club
10-03 New York, NY – Irving Plaza
10-04 Boston, MA – Paradise
10-06 Philadelphia, PA – Theatre of Living Arts
10-08 Chicago, IL – Metro
10-10 Seattle, WA – Neumo’s
10-12 San Francisco, CA – Independent
10-15 Los Angeles, CA – Henry Fonda Theatre
10-23 London, England – Electric Ballroom
10-24 Manchester, England – Academy
10-25 Glasgow, Scotland – Garage

Grísalappalísa með vorboða

Hljómsveitin Grísalappalísa var stofnuð árið 2012 af Gunnari Ragnarssyni og Sigurði Möller Sívertsen úr hinni sálugu Jakobínurínu, Bergi Thomas Anderson úr Oyama, Alberti Finnbogasyni og Tuma Árnasyni úr The Heavy Experience ásamt Baldri Baldurssyni sem semur og syngur ásamt Gunnari metnaðarfulla texta á íslensku. Sveitin gaf út í vikunni sitt fyrsta lag Lóan Er Komin á  gogoyoko. Hljómsveitin gefur út sína fyrstu plötu Ali seinna í vor.  Grísalappalísa heldur tónleika næsta fimmtudag þann 4. apríl á Kex Hostel  þar sem sveitin mun stíga á stokk kl. 21.00 og leika efni af væntanlegri plötu. Hlustið á Lóan Er Komin hér fyrir neðan. 

Hot Chip remixa Dirty Projectors

9. júlí í fyrra gaf hljómsveitin Dirty Projectors út sína sjöttu plötu Swing Lo Magellan og endaði hún í 6. sæti yfir bestu plötur ársins hér í Straumi. Joe Goddard úr Hot Chip endurhljóðblandaði lagið The Soialites  af plötunni nýlega með frábærum árangri. Lagið verður skemmtilega upplífgandi í höndum Goddard og hægt er að hlýða á afraksturinn hér fyrir neðan.

Tónleikar um páskahelgina

Miðvikudagur 27. mars:

Partíþokan verður haldin á Faktory.  Siggi Frændi opnar dyrnar klukkan 21.00 og setur einhverja dúndrandi snilld á fóninn til að hita upp salinn. Hann tekur við greiðslukortum og aðgangseyrir er 2000 krónur. Klukkan 22.00 stígur hinn óviðjafnanlegi Jónas Sigurðsson á svið ásamt hljómsveit, dúndurþétt að vanda. Klukkan 22.50 er röðin komin að strandamanninum Birni Kristjánssyni og strákunum í Borko. Það er svo um Klukkan 23.40 að Sin Fang hefur að trylla lýðinn með eitursvölum nýbylgjuballöðum. Prins Póló stígur  á svið 30 mínútum eftir miðnætti  og slær botninn í dagskránna með Tipp Topp, Niðrá strönd og fleiri mjaðmaæfingum. Kynnir kvöldsins er útvarpsmaðurinn, bóksalinn, og trommarinn Kristján Freyr Halldórsson og það borgar sig að taka vel eftir því hann kemur til með að draga úr happdrætti Partíþokunnar um miðbik kvöldsins. Við gefum ekkert upp um verðlaunin hér, en þau eru ekki af þessum heimi svo ekki sé meira sagt.

Fimmtudagur 28. mars

Volta:  Stephen Steinbrink, einnig þekktur sem The French Quarter, er fjölhæfur lagahöfundur, hljóðfæraleikari og sjónlistamaður frá Arizona. Hann spilar ásamt Snorra Helgasyni og Just Another Snake Cult á Volta á skírdag. Tónleikarnir hefjast kl. 21 og er aðgangseyrir 500 kr.

Á Hemma og Valda munu fimm tónlistarkonur leiða saman hesta sína. Þær eru; Brynja ( https://soundcloud.com/hestur)  Kirsti, Ósk (https://soundcloud.com/oskmusic), Tinna Katrín og Þorgerður Jóhanna (https://soundcloud.com/user6539071). Aðgangur er ókeypis og hefst fjörið klukkan 20!

Á Dillon verður haldið annað Desibel kvöldið þar sem heiðraðir eru listamenn sem sérhæfa sig í noise, drone, industrial, crust, hardcore punk eða dark ambient tónlist. Sveitirnar World Narcosis og Skelkur Í Bringu munu koma og spila. Tónleikarnir hefjast klukkan 22 og er ókeypis inn. 

Föstudagur 29. mars 

Black metal böndin Ash Borer og Fell Voices koma fram á Gamla Gauknum á föstudeginum langa eftir miðnætti. Með þeim verða böndin Azoic og NYIÞ. 1000 kr inn. 

Laugardagur 30. mars

Á Gamla Gauknum munu hljómsveitirnar Cosmic Call og Waveland halda tónleika ásamt tónlistarmanninum Jón Þór. Frítt er inn og hefjast tónleikarnir stundvíslega klukkan 22:30.

Í fyrsta sinn verður Páskagleði haldin í Listasafni Reykjavíkur. Á tónleikunum koma fram listamenn sem allir eiga það sameiginlegt að spila tónlist sem einkennist af gleði og það á heldur betur við um páskana. Fram koma; Ásgeir Trausti, Sísý Ey, Þórunn Antonía, DJ Margeir og Daníel Ágúst. Gleðin hefst klukkan 20 og kostar 4900 kr inn.