Category: Fréttir

Tónleikahelgin 16.-18. janúar

Föstudagur 16. Janúar

 

Fyrsta stundin verður haldin í Mengi. Það er fyrsta kvöldið í tónleikaröð sem Mengi mun bjóða upp á með reglulegu millibili yfir árið, þar sem stórir hópar hljóðfæraleikara leika saman. Í kvöld verður spilað á strengjahljóðfæri en meðal gesta kvöldsins verða Úlfur Hansson, Una Sveinbjarnardóttir, Gyða Valtýsdóttir, Arnljótur Sigurðsson, Borgar Magnason, Benedikt H Hermannsson, Ólöf Arnalds, Guðmundur Óskar, Katie Buckley, Richard Andersson, Skúli Sverrisson. Tónleikarnir hefjast klukkan 21:00 og aðgangseyrir er 2000 krónur.

 

Hljómsveitirnar Mercy Buckets, Laser Life og Grit Teeth koma fram á tónleikum á Íslenska Rokkbarnum í Hafnafirði. Tónleikarnir hefjast stundvíslega 23:30 og það er ókeypis inn.

 

Hljómsveitin Var spilar á Dillon, þau hefja leik 22:00 og það er ókeypis inn.

 

Laugardagur 17. Janúar

 

Vio, sigurvegarar Músíktilrauna 2014, gáfu út sína fyrstu plötu DIVE IN skömmu fyrir jól, og munu fagna útgáfu hennar með tónleikum á Húrra. Hljómsveitin Var, sem unnu Músíktilraunir árið 2013, hitar upp en tónleikarnir byrja 22:00 og aðgangseyrir er 1000 krónur.

 

Mótorhead tribute-bandið Bömpers leikur á Gauknum. Fjörið hefst 22:00 og aðgangseyrir er 3000 krónur.

 

Hljómsveitirnar Wago og Munstur koma fram á Dillon. Tónleikar hefjast 22:00 og það er ókeypis inn.

Iggy Pop á All Tomorrow’s Parties

Nú rétt í þessu var tilkynnt að aldni æringinn og eilífðarpönkarinn Iggy Pop muni koma fram á All Tomorrow’s Parties hátíðinni í Sumar. Þá var einnig tilkynnt að sveitirnar Drive Like Jehu, The Bug, Ought, Kiasmos, HAM, Xylouris White, Clipping og Grimm Grimm komi fram. Þetta bætist við langan lista listamanna sem áður hefur verið kynntur þar sem hæst ber nöfn eins og Belle and Sebastian, Run The Jewels og Godspeed You! Black Emperor. Þetta er í þriðja skiptið sem All Tomorrows hátíðin fer fram á Íslandi en hún verður 2.-4. júlí á gamla varnarliðssvæðinu Ásbrú fyrir utan Keflavík. Hér er hægt að lesa umfjöllun Straums um síðustu hátíð.

Dagskráin á Sónar Reykjavík klár

Dagskráin fyrir tónlistarhátíðina Sónar Reykjavík er nú tilbúin. Hægt er að skoða hana í heild sinni hér. Alls munu 64 atriði vera á dagskrá á hátíðinni sem fram fer 12. – 14. febrúar í Hörpu. Meðal þeirra eru: Skrillex, Paul Kalkbrenner, SBTRKT, Jamie xx, Todd Terje, TV On the Radio, Kindness, Nina Kraviz, Jimmy Edgar, Elliphant, Ryan Hemsworth, Sophie, Samaris, Mugison, Prins Póló og Sin Fang.

Meðal þeirra sem bætt var við dagskrána í dag eru: Tonik Ensemble, M-Band, Thor, Valgeir Sigurðsson, DJ Flugvél og Geimskip, Lily the Kid, Lord Pusswhip og Hekla Magnúsdóttir.

Hægt er að kaupa miða á hátíðina http://sonarreykjavik.com/en/pg/tickets.

Django Django snúa aftur

Skoska rafpoppbandið Django Django sendu frá sér nýtt lag í dag sem ber nafnið First Light, en það verður á breiðskífu sem er væntanleg í vor. Lagið er hið fyrsta til að heyrast frá sveitinni frá samnefndri breiðskífu þeirra sem kom út árið 2012 og var með betri plötum þess árs. Hlustið á First Light hér fyrir neðan:

Tónleikar helgarinnar 9. – 11. janúar

Föstudagur 9. janúar

Norska hljómsveitin Splashgirl kemur fram í Mengi. Tónleikarnir hefjast klukkan 21:00 og það kostar 2000 kr. inn.

Hardcore böndin Icarus, Mercy Buckets og Conflictions halda tónleika á Dillon. Tónleikarnir hefjast klukkan 22:00 og það er frítt inn.

Laugardagur 10. janúar

Hljómsveitin Kiss the Coyote spilar á Loft Hostel. Tónleikarnir hefjast klukkan 21:00 og það er frítt inn.

Hljómsveitirnar VAR og For a Minor Reflection halda tónleika á Frederiksen Ale House. Tónleikarnir byrja klukkan 23:00 og það er frítt inn.

Gummi Hebb & Electric Elephant standa fyrir tónleikum á Bar 11. Það er frítt inn og tónleikarnir hefjast klukkan 23:00

Sunnudagur 11. janúar

Kira Kira og Japan kemur fram í Mengi. Tónleikarnir hefjast klukkan 21:00 og það kostar 2000 kr. inn.

MSTRO – So In Love With U

Reykvíski tónlistarmaðurinn Stefán Páll Ívarsson sem gengur undir listamannsnafninu MSTRO gaf á dögunum út lagið So In Love With U sem verður á hans fyrstu stóru plötu sem kemur út í febrúar. Myndband við lagið kom út á sama tíma og var því leikstýrt af Stefáni og Magnúsi Thoroddsen Ívarssyni. Lag og myndband bera með sér einstaklega ferskan keim og verður fróðlegt að fylgjast með MSTRO á þessu ári.

 

Straumur 5. janúar 2014

 

í fyrsta Straumi ársins heyrum við nýtt efni frá Miguel, Lone, Modest Mouse, Favela, Jens Lekman, Shamir og mörgum öðrum. Straumur með Óla Dóra á slaginu 23:00 í kvöld á X-inu 977.

Straumur 5. janúar 2015 by Straumur on Mixcloud

1) Postcard 1# – Jens Lekman
2) Lampshades On Fire – Modest Mouse
3) Gong – Favela
4) Life Time Loop – Lone
5) Nwa (ft. Kurupt) – Miguel
6) Holywooddreams – Miguel
7) Coffee – Miguel
8) Ham Sandwich – Shabazz Palaces
9) Break The Rules (ODESZA remix) – Charli XCX
10) Reykjavik, January 2015 – Teen Daze
11) Another Night – Teen Daze
12) The House That Built Me – Shamir
13) New Years Eve – MØ
14) America – First Aid Kit

Tónleikahelgin 19.-21. desember

Föstudagur 19. desember

 

Vetrarsólstöðudansleikur Ojba Rasta verður haldinn á Gauknum föstudagskvöldið 19.desember. Byrjar 23:30 og aðgangseyrir er 1000 krónur.

 

Prins Póló og Dr. Gunni koma fram í Iðnó. Aðgangseyrir er 2000 krónur og tónleikarnir hefjast 22:00.

 

Auðn og Skuggsjá koma fram á Dillon. Hefst 22:00 og ókeypis inn.

 

Laugardagur 20. desember

 

FM Belfast spila á Húrra. Tónleikarnir byrja 21:00 og aðgangseyrir er 2000 krónur

 

Danstónlistarhópurinn Lazyblood kemur fram í Mengi. Aðgangseyrir er 2000 krónur og sýningin hefst 21:00.

 

Á Gauknum verða þungarokkstónleikar þar sem fram koma Ophidian I, Godchilla, MORÐ, DÖPUR, The Roulette og Seint.

Sunnudagur 21. desember

 

Högni Egils mun spila og syngja jólalög í Mengi. Aðgagngseyrir er 2000 krónur og tónleikarnir byrja 21:00.

Andkristnihátíð verður haldin á Gauknum en fram koma Svartidauði, Carpe Noctem, Sinmara, Abominor, Misþyrming, Mannvirki, Naðra og Úrhrak. Hátíðin hefst klukkan 17:00 og aðgangseyrir er 2000 krónur.

Kraumslistinn 2014 – Verðlaunaplötur

 

Kraumsverðlaunin, árleg plötuverðlaun Kraums tónlistarsjóðs, voru afhent í sjöunda sinn í dag. Líkt og undanfarin ár voru sex plötur sem þykja hafa skarað framúr í íslenskri plötuútgáfu á árinu verðlaunaðar.

Kraumsverðlaununum og Kraumslistanum, 20 platna úrvalslista verðlaunanna sem þeim fylgja, er ætlað að kynna og styðja við plötuútgáfu íslenskra hljómsveita og listamanna með því að verðlauna og vekja sérstaka athygli á því sem er nýtt og spennandi – og þeim verkum sem þykja skara fram úr í gæðum, metnaði og frumleika. Verðlaunin eru ekki bundinn neinni ákveðinni tónlistarstefnu og þeim fylgja engir undirflokkar.

Kraumsverðlaunin snúast ekki um eina ákveðna verðlaunaplötu heldur að verðlauna þær sex hljómplötur sem hljóta verðlaunin – og jafnframt að beina kastljósinu að Kraumslistanum í heild sinni. Kraumslistinn er 20 platna úrvalslisti verðlaunanna sem birtur er í byrjun desember. Dómnefnd Kraumsverðlaunanna velur síðan og verðlaunar sérstaklega sex hljómplötur af þeim lista er hljóta sjálf Kraumsverðlaunin.

Kraumsverðlaunin 2014 hljóta 

  • ·        Anna Þorvaldsdóttir – Aerial
  • ·         Börn – Börn
  • ·         Hekla Magnúsdóttir – Hekla
  • ·         Kippi Kanínus – Temperaments
  • ·         Óbó – Innhverfi
  • ·         Pink Street Boys – Trash From The Boys

Kraumslistinn 2014, úrvalslisti Kraumsverðlaunanna, sem þegar hefur verið tilkynntur er eftirfarandi:

 

·         AdHd – AdHd 5

·         Anna Þorvaldsdóttir – Aerial

·         Ben Frost – Aurora

·         Börn – Börn

·         Grísalappalísa – Rökrétt framhald

·         Hekla Magnúsdóttir – Hekla

·         Kippi Kaninus – Temperaments

·         Low Roar – O

·         M-Band – Haust

·         Oyama – Coolboy

·         Óbó – Innhverfi

·         Ólöf Arnalds – Palme

·         Pink Street Boys – Trash From the Boys

·         Russian Girls – Old Stories

·         Sindri Eldon – Bitter & Resentful

·         Singapore Sling – The Tower of Foronicity

·         Skakkamanage – Sounds of Merry Making

·         Skúli Sverris, Anthony Burr & Yungchen Lhamo – They Hold it For Certain

·         Úlfur Kolka – Borgaraleg óhlýðni

·         Þórir Georg – Ræfill

 

 

Meðal þeirra sem hlotið hafa Kraumsverðlaun fyrir verk sín frá því þau voru fyrst veitt árið 2008 eru; Mammút, Cell 7, Sin Fang, Grísalappalísa, Gunnar Andreas Kristinsson, Just Another Snake Cult, DJ flugvél og geimskip, Ásgeir Trausti, Hjaltalín, Sóley, Moses Hightower, Retro Stefson, Samaris, Lay Low, Daníel Bjarnason, Ólöf Arnalds, Anna Guðný Guðmundsdóttir, Hildur Guðnadóttir, Agent Fresco, Hugi Guðmundsson, Ísafold kammersveit og FM Belfast. (sjá lista allra Kraumsverðlaunahafa hér að neðan)

 

Kraumslistinn, úrvalslisti Kraumsverðlaunanna, var valin af  tíu manna dómnefnd, svokölluðu öldungaráði verðlaunanna, sem skipað er fólki sem hefur margvíslega reynslu af því að hlusta á, vinna með og fjalla um íslenska tónlist. Ráðið skipa Árni Matthíasson (formaður dómnefndar), Benedikt Reynisson, Elísabet Indra Ragnarsdóttir, María Lilja Þrastardóttir, Ólafur Halldór Ólafsson, Ragnheiður Eiríksdóttir, Trausti Júlíusson, Valdís Thor og Þórunn Edda Magnúsdóttir. Stærri 20 manna dómnefnd skipað ofangreindum aðilum og fleirum sá síðan um að velja 6 plötur af Kraumslistanum sem hlutu Kraumsverðlaunin.

Dómnefnd Kraumsverðlaunanna hefur hlustað á hátt í annað hundrað hljómplatna við val sitt á Kraumslistanum og Kraumsverðlaununum 2014.